تۇركىستان وبلىسىندا توتەنشە جاعداي كەزىندە قۇرىلعان احۋال ورتالىعىنىڭ قىزمەتكەرلەرى ءالى دە بولسا ۇنەمى ەسكەرتىلىپ كەلە جاتقان, ورىندالۋى ءتيىس تازالىق شارالارىنا بەي-جاي قاراپ, ءمان بەرمەيتىن تۇرعىندار از ەمەس ەكەنىن ايتۋدا.
قازىرگى تاڭدا ىندەتتىڭ تارالماۋى ءۇشىن قوعامدىق ورىنداردا, دۇكەندەر مەن مەكەمەلەردە دەزينفەكتسيالىق جۇمىستاردىڭ ءجۇرۋى, سانيتارلىق نورمالاردىڭ ساقتالۋى وتە وزەكتى. سول سەبەپتى, ءوڭىردىڭ ەرىكتى جاستارى احۋال ورتالىعىنىڭ باستاماسىمەن قوعامدىق ورىنداردا تازالىق ساقتاۋ, دەزينفەكتسيا جاساۋ نۇسقاۋلىعى جازىلعان 1000 دانا جادىناما تاراتتى.
مۇنداعى ماقسات – ادام كوپ شوعىرلاناتىن ورىنداردا تازالىق جۇمىستارىن ءجيى جۇرگىزۋدى ۇيىمداستىرۋ, مەنشىك يەلەرىنە ىندەتتىڭ قاۋپى جوعارى ەكەنىن ءتۇسىندىرۋ. ءبىر رەتتىك قانا دەزينفەكتسيا جاساتۋمەن شەكتەلىپ, كىرەر ەسىكتەردى داكەمەن وراپ قويۋ سەكىلدى انتيسانيتاريالىق جۇمىستاردى اتقارۋ ازدىق ەتەتىنىن ايتۋ. ساقتىق شارالارىن ءجيى جاساۋ ارقىلى ىندەتتىڭ تارالۋىنا توسقاۋىل قويۋ قاجەتتىگىن ۇعىندىرۋ. اقپارات قۇرالدارى ارقىلى دا ايتىلىپ, جازىلىپ جۇرگەن تالاپتاردى تۇرعىنداردىڭ ەسىنە قايتا سالۋ, ياعني جادىن جاڭعىرتۋ. احۋال ورتالىعىنىڭ بۇل باعىتتاعى تۇسىندىرمە جۇمىستارى جالعاسۋدا.