قازىرگى تاڭدا تۇركىستان وبلىسىنىڭ بارلىق اۋداندارىندا كوروناۆيرۋس ىندەتىنە قارسى كۇرەس شارالارى كۇشەيتىلگەن. ىندەتتىڭ تاراۋىنا توسقاۋىل قويۋ ماقساتىندا تولەبي اۋدانى, لەنگىر قالاسىنىڭ ورتالىق تولەبي كوشەسى تولىق دەزينفەكتسيالاندى.
ال, قالعان ۇلكەن كوشەلەر مەن اۋىلدىق وكرۋگتەردە بۇل باعىتتاعى جۇمىستار بەلگىلەنگەن كەستەگە سايكەس جۇرگىزىلەتىن بولادى. زالالسىزداندىرۋ جاساعى توتەنشە جاعداي ءبولىمى ماماندارى مەن مەكتەپتەردىڭ العاشقى اسكەري دايىندىق ءپانى مۇعالىمدەرىنەن قۇرىلىپ, 40 رانتستى اپپاراتپەن جانە ارنايى كيىمدەرمەن قامتاماسىز ەتىلدى.
بۇل جاساقتان بولەك ارنايى مامانداندىرىلعان مەكەمەلەر اۋدان بويىنشا 91 كوپ قاباتتى ۇيلەردىڭ اۋلالارى مەن دالىزدەرىن, ويىن الاڭدارىن جانە ورتالىق كوشەلەردەگى 24 ايالدامانى زالالسىزداندىرۋ جۇمىستارىن جۇرگىزۋدە.
تۇركىستان وبلىسى