قازىر قىزىلوردادا وبلىس ورتالىعى مەن جاڭاقورعان, شيەلى, قارماقشى اۋداندارىنان ىندەت جۇقتىرعاندار انىقتالىپ وتىر. ۆيرۋس بەلگىسى باسقا وڭىرلەردەن بىلىنبەۋى ءۇشىن تازالىق جۇمىستارىنا بارىنشا كوڭىل بولىنۋدە. سولاردىڭ قاتارىندا ارال اۋدانى اۋماعىندا حالىق كوپ شوعىرلاناتىن ورىنداردا زالالسىزداندىرۋ جۇمىستارى قارقىندى ءجۇرىپ جاتىر.
بۇگىن ورتالىق بازار ماڭى مەن ايالدامالاردا, بانكوماتتار مەن مەملەكەتتىك مەكەمەلەر ماڭىنا زالالسىزداندىرۋ شارالارى كەزەكتى رەت جاسالدى.
اۋدان اكىمى مۇحتار ورازباەۆ دەزينفەكتسيالاۋ جۇمىستارى جاسالىپ جاتقان ايماقتاردا بولىپ, سانيتارلىق-ەپيدەميولوگيالىق شارالاردىڭ بارىسىن قاداعالادى. ءتيىستى سالا باسشىلارىنا جۇمىستى تياناقتى جۇرگىزۋ قاجەتتىگىن تاپسىردى.
الداعى ۋاقىتتا دا سانيتارلىق-دەزينفەكتسيالىق جۇمىستار تۇراقتى جۇرگىزىلەتىن بولادى.