بۇگىنگىدەي سىن ساتتە جومارتتىق تانىتىپ, ىندەتكە قارسى كۇرەسكە سەپتىگىن تيگىزىپ جاتقان كاسىپكەرلەر قاتارى ارتا تۇسۋدە. تۇركىستان وبلىسىنداعى «قايىپ اتا» جشس-ءنىڭ ديرەكتورى سىرىم ەرتاەۆ ەلباسى ۇندەۋىن قولداپ, ء«بىز بىرگەمىز!» اكتسياسى اياسىندا ءوز قاراجاتى ەسەبىنەن ارنايى قورعا 10 ميلليون تەڭگە اۋداردى.
«Nur Otan» پارتياسىنىڭ مۇشەسى, بۇعان دەيىن دە بىرنەشە وتباسىعا ءۇي سالىپ بەرىپ, قايىرىمدىلىعىمەن تانىلعان كاسىپكەر ىندەتكە قارسى كۇرەستە ەلگە كومەكتەسۋدى ازاماتتىق, پەرزەنتتىك پارىزى دەپ سانايدى. «ەلباسى نۇرسۇلتان نازارباەۆ ءوز ۇندەۋىندە كاسىپكەرلەرگە ماڭىزدى وي تاستادى. پرەزيدەنتىمىز قاسىم-جومارت كەمەل ۇلى ء«بىز ارقايسىمىز ءوز مىندەتىمىزدى جاۋاپكەرشىلىكپەن ورىنداساق, بۇل قيىندىقتان تەزىرەك شىعامىز», دەدى. ەندەشە ءار ازامات توتەنشە جاعدايداعى ەرەجەنى ساقتاپ, رەسمي وكىلدەر مەن دارىگەرلەردىڭ ەسكەرتپەلەرىن ورىنداعانى ءجون. ءبىز بىرىگىپ, بۇل قيىندىقتى دا جەڭىپ شىعامىز», دەيدى سىرىم ەرتاەۆ.
تۇركىستان وبلىسى