16 ناۋرىزدان بەرى توتەنشە جاعداي رەجيمىن بۇزۋدىڭ 18 فاكتىسى ورىن العان. بۇل تۋرالى پرەزيدەنت قاسىم-جومارت توقاەۆ توتەنشە جاعداي جونىندەگى مەملەكەتتىك كوميسسيانىڭ وتىرىسىندا ايتتى.
«كارانتين كەزىندە بەلگىلى تالاپتاردى بۇزعاندار ءۇشىن جازا ەنگىزۋ قاجەتتىگى تۋىنداپ وتىر. ازاماتتاردىڭ قاۋىپسىزدىگىن قامتاماسىز ەتۋ ءۇشىن مەنىڭ جارلىعىممەن ادامدار كوپ جينالاتىن نىسانداردىڭ قىزمەتى شەكتەلىپ, ءارتۇرلى ءىس-شارالار وتكىزۋگە تىيىم سالىنعان بولاتىن. الايدا شەكتەۋدىڭ ءجيى بۇزىلاتىندىعىن كورىپ وتىرمىن», دەدى قاسىم-جومارت توقاەۆ.
مەملەكەت باسشىسىنىڭ ايتۋىنشا, 16 ناۋرىزدان بەرى اقمولا, اتىراۋ, شىعىس قازاقستان, قاراعاندى, قوستاناي, پاۆلودار, سولتۇستىك قازاقستان جانە تۇركىستان وبلىستارىن قوسا العاندا توتەنشە جاعداي رەجيمىن بۇزۋدىڭ 18 فاكتىسى ورىن العان.
«كىنالىلەر ەسكەرتۋ نەمەسە ايىپپۇل تۇرىندەگى اكىمشىلىك جاۋاپكەرشىلىككە تارتىلدى. بارىنشا قاتاڭ سانتسيالارعا كوشەتىن كەز كەلدى. سونىمەن قاتار مۇنداي فاكتىلەردى الدىن الۋ ماقساتىندا باق-تا كەڭىنەن جاريالاۋ كەرەك», دەدى پرەزيدەنت توتەنشە جاعداي جونىندەگى مەملەكەتتىك كوميسسيانىڭ وتىرىسىندا.