ەل ەرتەڭىن ايقىندايتىن جاڭا كونستيتۋتسيا جوباسىنا داۋىس بەرۋ – ءاربىر ازاماتتىڭ ەلدىك مىندەتى. جالپىعا ورتاق ىسكە جۇمىلعاندار ىشىندە ەلىمىزدىڭ كوك بايراعىن الەمگە ايگىلەپ جۇرگەن سپورتشىلار مەن ونەر مايتالماندارى دا بار. ولار ءوز سالاسىندا عانا ەمەس, ساياسي ارەنادا دا كوپتەن وزا شاۋىپ, 15 ناۋرىزدا وتەتىن رەسپۋبليكالىق رەفەرەندۋمعا قاتىسۋعا شاقىردى, دەپ حابارلايدى Egemen.kz.
قازىر قوعامدا قىزۋ تالقىلانىپ جاتقان ماڭىزدى ماسەلەنىڭ ءبىرى – كونستيتۋتسيالىق رەفورمالار. الەۋمەتتىك جەلىدە ءوز وي-پىكىرىن بىلدىرگەن وتانداستارىمىزدىڭ ىشىندە سپورت پەن ونەر جۇلدىزدارى دا از ەمەس. سولاردىڭ ءبىرى – بوكستان الەم چەمپيونى ايبەك ورالباي ءوز وقىرماندارىن ەل بولاشاعىنا قاتىستى بىرگە تاڭداۋ جاساۋعا شاقىردى.
«مەن ءۇشىن جارىستاعى ەڭ باستى جەتىستىك – شارشى الاڭعا شىعىپ, ءوز مۇمكىندىگىمدى ءجۇز پايىز كورسەتۋ. جەڭىستىڭ كىلتى – جاۋاپكەرشىلىكتى ءوز موينىنا الا ءبىلۋ, قيىن ساتتە تايسالماي سوڭىنا دەيىن كۇرەسۋ. بۇل جەردە كىم شىدامدى, كىم كوبىرەك ەڭبەكتەنەدى, سول بوكسشىنىڭ جەڭىسكە جەتۋ مۇمكىندىگى جوعارى. جاۋاپكەرشىلىك – تەك سپورتتا عانا ەمەس, ومىردە دە, ەل بولاشاعىندا دا ماڭىزدى ۇعىم. ول جاڭارتىلعان كونستيتۋتسيادا كەڭىنەن قامتىلعان. بارشالارىڭىزدى 15 ناۋرىز كۇنى وتەتىن رەفەرەندۋمعا شاقىرامىن. تاڭداۋ جاساۋ – ناعىز جاۋاپكەرشىلىكتىڭ بەلگىسى», دەپ جازدى الەم چەمپيونى.
بەلگىلى اكتەر عاني قۇلجانوۆ حالىققا ارناعان سوزىندە كونستيتۋتسيامىزعا ەنگىزىلەتىن وزگەرىستەر ۋاقىت تالابىنان تۋىنداپ وتىرعانىن ايتتى.
«الداعى رەفەرەندۋم – مەملەكەتىمىزدىڭ دامۋ باعىتىن ايقىندايتىن تاريحي مۇمكىندىك. بۇگىنگى قوعامعا ادىلدىك پەن اشىقتىق قاجەت. ۇسىنىستاردىڭ ىشىندە كونستيتۋتسيالىق سوتتىڭ مارتەبەسىن كۇشەيتۋ قاراستىرىلعان, ازاماتتاردىڭ تىكەلەي ءوتىنىش بەرۋ قۇقىعى كەڭەيتىلەدى, جەرگىلىكتى باسقارۋ جۇيەسىن جەتىلدىرۋ دە ماڭىزدى باعىتتىڭ ءبىرى. بۇل رەفورمالار «حالىق ۇنىنە قۇلاق اساتىن مەملەكەتتى» نىعايتادى. ءبىز ارقاشان ەل بولاشاعىنا جاۋاپتىمىز. رەفەرەندۋمعا قاتىسىپ, ءوز داۋىسىمىزبەن تاريحي وزگەرىستەردى قولداۋعا شاقىرامىن!», دەدى ونەر يەسى.
ەلىمىزدىڭ سپورتشىلارى مەن ونەر يەلەرى جاڭا كونستيتۋتسيا جوباسىن قولدادى
كينو جانە تەاتر اكتريساسى, ەلىمىزدىڭ ەڭبەك سىڭىرگەن قايراتكەرى داناگۇل تەمىرسۇلتانوۆا دا الەۋمەتتىك جەلىدە وقىرماندارىن 15 ناۋرىزدا وتەتىن رەسپۋبليكالىق رەفەرەندۋمعا كەلىپ, داۋىس بەرۋگە شاقىردى.
ايتا كەتەيىك, استانادا ءوتىپ جاتقان گرەك-ريم, ەركىن كۇرەس جانە ايەلدەر كۇرەسىنەن U17 جانە U20 جاس ساناتىنداعى ەل چەمپيوناتىنىڭ رەسمي اشىلۋ سالتاناتىندا جاڭا كونستيتۋتسيانى قولداۋ اكتسياسى ۇيىمداستىرىلدى.
قازاقستاندا اۆتوبۋستار جاڭا كونستيتۋتسيا جوباسى تۋرالى اقپارات تاراتۋ الاڭىنا اينالدى