2013 جىلعى 15 مامىر, استانا, ۇكىمەت ءۇيى
«عيماراتتار مەن قۇرىلىستاردى تەحنيكالىق جاعىنان كۇردەلى وبەكتىلەرگە جاتقىزۋ ەرەجەسىن بەكىتۋ جانە قازاقستان رەسپۋبليكاسى ۇكىمەتىنىڭ 2002 جىلعى 19 تامىزداعى № 918 قاۋلىسىنا وزگەرىس ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 23 قازانداعى №1656 قاۋلىسىنا وزگەرىس ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:1. «عيماراتتار مەن قۇرىلىستاردى تەحنيكالىق جاعىنان كۇردەلى وبەكتىلەرگە جاتقىزۋ ەرەجەسىن بەكىتۋ جانە قازاقستان رەسپۋبليكاسى ۇكىمەتىنىڭ 2002 جىلعى 19 تامىزداعى № 918 قاۋلىسىنا وزگەرىس ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 23 قازانداعى № 1656 قاۋلىسىنا (قازاقستان رەسپۋبليكاسىنىڭ ءپۇاج-ى, 2009 ج., № 44, 425-قۇجات) مىناداي وزگەرىس ەنگىزىلسىن:كورسەتىلگەن قاۋلىمەن بەكىتىلگەن عيماراتتار مەن قۇرىلىستاردى تەحنيكالىق جاعىنان كۇردەلى وبەكتىلەرگە جاتقىزۋ ەرەجەسىندە:5,7-تارماقتار مىناداي رەداكتسيادا جازىلسىن:«5. تەحنيكالىق جاعىنان كۇردەلى وبەكتىلەرگە (كەشەندەرگە) وندىرىستىك-شارۋاشىلىق قۇرىلىستاردى, ونىڭ ىشىندە تاۋارلاردى نەمەسە ماتەريالداردى ساقتاۋ ءۇشىن ايرىقشا جاعدايلاردى, سونداي-اق قۇرىلىس جانە پايدالانۋ كەزىندەگى ءورت-جارىلىس قاۋىپسىزدىگىن, اەراتسيانى, ىلعالدىلىقتى, تەمپەراتۋرالىق رەجىمدى بەلگىلى ءبىر دەڭگەيدە ۇستاۋدىڭ ايرىقشا جاعدايلارىن قامتاماسىز ەتۋگە, ءدىرىلدى جانە وزگە دە ارنايى تالاپتاردى شەكتەۋگە باعىتتالعان باسقا دا ارنايى جوبالىق شەشىمدەر مەن ءىس-شارالاردى تالاپ ەتەتىن جەكە تۇرعان قويمالار مەن ساقتاۋ ورىندارىن قوسا العاندا, جاۋاپكەرشىلىگى ءبىرىنشى (كۇشەيتىلگەن) جانە ەكىنشى (قالىپتى) دەڭگەيگە جاتاتىن وندىرىستىك ماقساتتاعى بارلىق عيماراتتار مەن قۇرىلىستار جاتادى.وندىرىستىك ماقساتتاعى تەحنيكالىق جاعىنان كۇردەلى وبەكتىلەرگە (وندىرىستىك-شارۋاشىلىق قۇرىلىستاردى قوسا العاندا) جاۋاپكەرشىلىگى ءۇشىنشى (تومەندەتىلگەن) دەڭگەيدەگى بارلىق قۇرىلىستار, ونىڭ ىشىندە كونتەينەردى جانە بلوكتاردى پايدالانىپ جاسالاتىن ۇتقىر كەشەندەر جاتپايدى.7. تۇرعىن ءۇي-ازاماتتىق ماقساتتاعى تەحنيكالىق جاعىنان كۇردەلى وبەكتىلەرگە (كەشەندەرگە) جاۋاپكەرشىلىگى ەكىنشى (قالىپتى) دەڭگەيدەگى مىناداي عيماراتتار مەن قۇرىلىستار جاتپايدى:1) سەيسميكالىق قاۋىپتىلىگى جوعارى نەمەسە ارنايى جوبالاۋ شەشىمدەرى مەن ءىس-شارالاردى تالاپ ەتەتىن وزگە دە ايرىقشا گەولوگيالىق (گيدروگەولوگيالىق) جانە گەوتەحنيكالىق جاعدايداعى اۋدانداردا (ايماقتاردا) سالىنىپ جاتقانداردى قوسپاعاندا, جەر ۇستىندەگى بيىكتىگى 3 قاباتتان اسپايتىن تۇرعىن ۇيلەر;2) كەلۋشىلەردى (كورەرمەندەر, كليەنتتەر, ناۋقاستار, جولاۋشىلار, ساتىپ الۋشىلار, قوناق ۇيدە جانە تاعى سول سياقتى تۇراتىندار), سونداي-اق ولارعا قىزمەت كورسەتۋشى قىزمەتكەرلەر مەن پەرسونالدى قوسا العاندا, ىشكى ءۇي-جايلارىندا ءبىر مەزگىلدە 50-دەن اسپايتىن ادام بولاتىن, جەر ۇستىندەگى بيىكتىگى 2 قاباتتان اسپايتىن قوعامدىق عيماراتتار مەن قۇرىلىستار;3) ءبىر مەزگىلدە سانى 10 بىرلىكتەن اسپايتىن كولىك قۇرالىنا قىزمەت كورسەتەتىن جەكە تۇرعان ءبىر قاباتتى اۆتوسەرۆيس پۋنكتتەرى, سونداي-اق سىيىمدىلىعى 15 اۆتوموبيلدەن اسپايتىن جەر ءۇستى نەمەسە جەر استى گاراج-تۇراقتار.تەحنيكالىق جاعىنان كۇردەلى وبەكتىلەرگە جاۋاپكەرشىلىگى ءۇشىنشى (تومەندەتىلگەن) دەڭگەيدەگى بارلىق قۇرىلىستار, ونىڭ ىشىندە كونتەينەردى جانە بلوكتاردى پايدالانىپ جاسالاتىن ۇتقىر كەشەندەر, سونداي-اق قۇراستىرمالى-بۇزىلمالى كونسترۋكتسيالاردان تۇرعىزىلعان قۇرىلىستار جاتقىزىلمايدى».2. وسى قاۋلى العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.قازاقستان رەسپۋبليكاسىنىڭ پرەمەر-ءمينيسترى س.احمەتوۆ.