استانا قالالىق پوليتسيا دەپارتامەنتى ەلوردادا قوعامدىق ورىندار لاستانۋىنىڭ الدىن الۋ جانە جولىن كەسۋ جۇمىسى جالعاسىپ جاتقانىن حابارلادى, دەپ جازادى Egemen.kz.
جىل باسىنان بەرى قوعامدىق ورىنداردى لاستاۋدىڭ جانە اباتتاندىرۋ ەرەجەلەرىن بۇزۋدىڭ شامامەن 16 مىڭ فاكتىسى بويىنشا جاۋاپكەرشىلىككە تارتۋ شارالارى قولدانىلعان. مۇنداي قۇقىق بۇزۋشىلىقتاردى انىقتاۋ جانە الدىن الۋ ءۇشىن زاماناۋي باقىلاۋ جۇيەلەرى كەڭىنەن قولدانىلىپ جاتىر.
@TazaQazBot – تازالىق جولىنداعى ءتيىمدى تەتىك: 24 مىڭنان استام ماسەلە شەشىمىن تاپتى
قالا اكىمدىگىنىڭ مالىمەتىنشە, وپەراتيۆتى باسقارۋ ورتالىعىنىڭ كامەرالارىمەن قاتار تازالىقتى باقىلاۋعا دروندار دا قوسىلعان. ولار قوعامدىق ورىنداردى لاستاۋعا قاتىستى جاعدايلاردى انىقتاپ, پاترۋلدىك قىزمەتتەرگە جەدەل اقپارات بەرەدى. سونىمەن قاتار دروندار ارقىلى ازاماتتارعا قوعامدىق تازالىقتى ساقتاۋ, قالا مۇلكىنە ۇقىپتى قاراۋ, قوعامدىق ءتارتىپ پەن جول قوزعالىسى ەرەجەلەرىن ساقتاۋ تۋرالى دىبىستىق ەسكەرتۋ جاسالادى.
«تازا قازاقستان»: ەلوردالىق كاسىپكەرلەرگە تازالىقتى ساقتاۋ جونىندە چەك-پاراقشالار تاراتىلدى