قاسىم-جومارت توقاەۆ بۇعان دەيىن پرەزيدەنت اكىمشىلىگىنىڭ باسشىسى قىزمەتىن اتقارىپ كەلگەن ايبەك دادەبايدىڭ جۇمىسىنا جوعارى باعا بەرىپ, زور ريزاشىلىعىن ءبىلدىردى. بۇل تۋرالى پرەزيدەنتتىڭ كەڭەسشىسى – ءباسپاسوز حاتشىسى ايبەك سماديار تەلەگرام اراناسىندا جازدى, دەپ حابارلايدى Egemen.kz.
«تاياۋ ۋاقىتتا ەلىمىزدە اۋقىمدى ساياسي ناۋقان وتەتىنى بەلگىلى. وسىنداي سىندارلى ساتتە ايبەك ارقاباي ۇلى مەملەكەت باسشىسىنىڭ ارنايى تاپسىرماسى بويىنشا قوعامدىق-ساياسي جۇمىسپەن اينالىسادى», دەلىنگەن جازبادا.
ايتا كەتەيىك, بۇگىن پرەزيدەنت جارلىعىمەن ايبەك ارقاباي ۇلى دادەباي باسقا جۇمىسقا اۋىسۋىنا بايلانىستى قازاقستان رەسپۋبليكاسى پرەزيدەنتى اكىمشىلىگىنىڭ باسشىسى لاۋازىمىنان بوساتىلدى. ونىڭ ورنىنا مەملەكەت باسشىسىنىڭ جارلىعىمەن رومان ۆاسيلەۆيچ سكليار قازاقستان رەسپۋبليكاسى پرەزيدەنتى اكىمشىلىگىنىڭ باسشىسى بولىپ تاعايىندالدى, ول بۇرىنعى اتقارعان لاۋازىمىنان بوساتىلدى.