15 ساۋىردەن باستاپ قازاقستاندا ءموبيلدى اۋدارىمدارعا قاتىستى تەكسەرىس جۇرگىزىلەدى. ەندى سالىق ورگاندارى ازاماتتاردىڭ جىل باسىنان بەرى جاساعان بارلىق اقشا اۋدارىمدارى تۋرالى مالىمەتتەردى قاراي باستايدى. بۇل اقپاراتتى مەملەكەتتىك كىرىستەر كوميتەتىنە ەكىنشى دەڭگەيلى بانكتەر ۇسىنۋعا مىندەتتى, دەپ حابارلايدى Egemen.kz.
قارجى ۆيتسە-ءمينيسترى ەرجان ءبىرجانوۆتىڭ ايتۋىنشا, قاراپايىم تۇرمىستىق اۋدارىمدار تەكسەرىس نىسانىنا ىلىگە بەرمەيدى. ماسەلەن, كوفە نە تۇسكى اس ءۇشىن تولەم جاساۋ, دوستارمەن بىرگە جينالىپ اقشا اۋدارۋ نەمەسە تۋعان كۇنگە قاراجات جيناۋ سياقتى جاعدايلار كاسىپكەرلىك بەلگىسى رەتىندە قاراستىرىلمايدى. ول ءۇشىن بىرنەشە ناقتى شارت قاتار ورىندالۋى كەرەك.
ەلىمىزدەگى پسەۆدوپسيحولوگتارعا ايىپپۇل ەنگىزىلۋى مۇمكىن
ال كۇمان تۋدىرعان قارجىلىق وپەراتسيالار بويىنشا ازاماتتارعا مامىر ايىندا حابارلاما جىبەرىلەدى. ءساۋىر ايىنىڭ سوڭىنا دەيىن سالىق ورگاندارى تەكسەرىلۋى مۇمكىن تۇلعالاردىڭ ءتىزىمىن جاساقتايدى. ودان كەيىن ازاماتتارعا اۋدارىمداردىڭ ماقساتىن ءتۇسىندىرۋ ءۇشىن 30 جۇمىس كۇنى بەرىلەدى.
ەگەر بۇل اقشا تاۋار نەمەسە قىزمەت ءۇشىن تولەم رەتىندە الىنعانى جانە ودان سالىق تولەنبەگەنى انىقتالسا, سالىق ەسەپتەلەدى نەمەسە ايىپپۇل سالىنادى. سونىمەن قاتار مۇنداي ازاماتتارعا جەكە كاسىپكەر رەتىندە تىركەلۋ تالاپ ەتىلەدى.
بلوگەرلەرگە 600 ملن تەڭگە سالىق تولەۋ مىندەتتەلدى