سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ قازاقستان رەسپۋبليكاسى پرەزيدەنتىنىڭ جانىنداعى ۇلتتىق عىلىم اكادەمياسىنىڭ پرەزيدەنتى اقىلبەك كۇرىشباەۆپەن كەزدەستى. كەزدەسۋدە تاراپتار سۋ رەسۋرستارىن باسقارۋدىڭ ينتەگراتسيالانعان DeepBas جۇيەسىن ەنگىزۋ ماسەلەسىن تالقىلادى, دەپ حابارلايدى Egemen.kz.
جاڭا جوبا سۋ بالانسىن بولجاۋ دالدىگىن ارتتىرۋعا, رەسۋرستاردى ءبولۋدى وڭتايلاندىرۋعا, قۇرعاقشىلىق پەن سۋ تاسقىنىنا بايلانىستى تاۋەكەلدەردى ۋاقتىلى انىقتاۋعا جانە الدىن الۋعا باعىتتالعان. جۇيە ءارتۇرلى كوزدەردەن الىنعان دەرەكتەردى بىرىكتىرۋگە جانە باسقارۋدىڭ نەگىزدەلگەن شەشىمدەرىن قابىلداۋعا ارنالعان.
ەلىمىزدىڭ قاي وڭىرلەرىندە قۇرعاقشىلىق قاۋپى بار؟ مينيستر جاۋاپ بەردى
«الدىمىزدا تۇرعان مەجەلى ماقساتتارعا قول جەتكىزۋ وزىق حالىقارالىق تاجىريبەنى, ۇزدىك پراكتيكالار مەن تەحنولوگيالاردى زەردەلەۋدى قاجەت ەتەدى. سوندىقتان قر ۇعا ۇسىنعان DeepBas جۇيەسىن ازىرلەۋ باستاماسىن قولدايمىز», دەدى سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ.
جيىنعا قاتىسۋشىلار جوبانىڭ پيلوتتىق باعىتتارىن جانە ونى ىسكە اسىرۋ مەرزىمدەرىن پىسىقتاپ, سونداي-اق DeepBas جۇيەسىنىڭ جۇمىس پرينتسيپتەرىن تالقىلادى. بۇدان بولەك كەزدەسۋدە اقپاراتتىق قاۋىپسىزدىك پەن جەراستى سۋىن مونيتورينگتەۋ ماسەلەلەرىنە دە ەرەكشە نازار اۋدارىلدى.
پرەزيدەنت سۋ تاسقىنى مەن قۇرعاقشىلىق قاۋپىنە الدىن الا دايىندالۋدى تاپسىردى
نۇربولات امانبەك