عىلىم ماسەلەلەرى بويىنشا زاڭنامالىق تۇزەتۋلەر ەلدىڭ عىلىمي-تەحنولوگيالىق جانە يننوۆاتسيالىق الەۋەتىن نىعايتۋعا باعىتتالعان. وسى ماقساتتا بۇگىن ءماجىلىستىڭ جالپى وتىرىسىندا عىلىمي جانە تەحنولوگيالىق رەسۋرستاردى ءتيىمدى شوعىرلاندىرۋ, جوعارى تەحنولوگيالىق وندىرىستەردى دامىتۋ جانە عىلىمنىڭ ينۆەستيتسيالىق تارتىمدىلىعىن ارتتىرۋ تەتىكتەرى ۇسىنىلادى, دەپ جازادى Egemen.kz.
اتاپ ايتقاندا, عىلىممەن شۇعىلداناتىن اۋماقتاردى دامىتۋعا قۇقىقتىق نەگىز قالىپتاستىرىلادى. ولار عىلىم قالاشىقتارى جانە عىلىمي-تەحنولوگيالىق پاركتەر فورماتىندا داميدى. عىلىم قالاشىقتارى – عىلىمدى نەگىزگە الاتىن تەحنولوگيالار مەن يننوۆاتسيالاردى دامىتۋعا جاعداي جاسالاتىن ەلدىمەكەندەر بولسا, عىلىمي-تەحنولوگيالىق پاركتەر – جوعارى وقۋ ورىندارى, عىلىمي ينستيتۋتتار مەن وندىرىستە عىلىمي ازىرلەمەلەردى ەنگىزگەن كاسىپورىندار بازاسىندا قۇرىلادى.
عىلىمعا سەرپىن: ەۇۋ جاپونيامەن بايلانىسىن نىعايتتى
ولاردىڭ نەگىزگى ماقساتى مەن مىندەتى, باسقارۋ جانە قارجىلاندىرۋ تەتىكتەرى, سونداي-اق قىزمەتىن باقىلاۋ جانە مونيتورينگ جۇرگىزۋ ءتارتىبى ايقىندالادى. بۇدان بولەك, اتالعان اۋماقتاردى دامىتۋعا ىنتالاندىرۋ شارالارى جانە عىلىم قالاشىقتارىنا قاتىسۋشى عىلىمي قىزمەتكەرلەردى الەۋمەتتىك قولداۋ تەتىكتەرى بەكىتىلەدى.
2025 جىلعى قازاقستاننىڭ باستى عىلىمي جەتىستىگى اتالدى