2013 جىلعى 2 مامىر, استانا, ۇكىمەت ءۇيى
جاڭادان پايدالانۋعا بەرىلەتىن گەنەراتسيالايتىن قوندىرعىلاردى سالۋعا تەندەر وتكىزۋ قاعيدالارىن بەكiتۋ تۋرالى
«ەلەكتر ەنەرگەتيكاسى تۋرالى» 2004 جىلعى 9 شىلدەدەگى قازاقستان رەسپۋبليكاسىنىڭ زاڭى 4-بابىنىڭ 8-1) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:1. قوسا بەرىلىپ وتىرعان جاڭادان پايدالانۋعا بەرىلەتىن گەنەراتسيالايتىن قوندىرعىلاردى سالۋعا تەندەر وتكىزۋ قاعيدالارى بەكىتىلسىن.2. وسى قاۋلى العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
قازاقستان رەسپۋبليكاسى ۇكىمەتىنىڭ 2013 جىلعى 2 مامىرداعى №446 قاۋلىسىمەن بەكىتىلگەن
جاڭادان پايدالانۋعا بەرىلەتىن گەنەراتسيالايتىنقوندىرعىلاردى سالۋعا تەندەر وتكىزۋ قاعيدالارى
1. جالپى ەرەجەلەر1. وسى جاڭادان پايدالانۋعا بەرىلەتىن گەنەراتسيالايتىن قوندىرعىلاردى سالۋعا تەندەر وتكىزۋ قاعيدالارى (بۇدان ءارى - قاعيدالار) «ەلەكتر ەنەرگەتيكاسى تۋرالى» قازاقستان رەسپۋبليكاسى زاڭىنىڭ (بۇدان ءارى – زاڭ) 4-بابىنىڭ 8-1) تارماقشاسىنا سايكەس ازىرلەندى جانە جاڭادان پايدالانۋعا بەرىلەتىن گەنەراتسيالايتىن قوندىرعىلاردى سالۋعا تەندەر وتكىزۋ ءتارتىبىن ايقىندايدى. 2. وسى قاعيدالاردا زاڭمەن كوزدەلگەن ۇعىمدار جانە مىناداي نەگىزگى ۇعىمدار پايدالانىلادى: 1) تەندەردى ۇيىمداستىرۋشى – ەلەكتر ەنەرگەتيكاسى سالاسىنداعى ۋاكىلەتتى ورگان; 2) تەندەرگە قاتىسۋشى – وسى قاعيدالارعا سايكەس جاڭادان پايدالانۋعا بەرىلەتىن گەنەراتسيالايتىن قوندىرعىلاردى سالۋعا ارنالعان تەندەرگە ءوزىنىڭ قاتىساتىندىعى تۋرالى مالىمدەگەن الەۋەتتى ينۆەستورلار;3) تەندەرلىك قۇجاتتاما – جاڭادان پايدالانۋعا بەرىلەتىن گەنەراتسيالايتىن قوندىرعىلاردىڭ سيپاتى مەن تالاپ ەتىلەتىن تەحنيكالىق, ساپالىق جانە پايدالانۋ سيپاتتاماسى جانە جاڭادان پايدالانۋعا بەرىلەتىن گەنەراتسيالايتىن قوندىرعىلاردى سالۋعا ارنالعان ۇلگى شارت نەگىزىندە جاڭادان پايدالانۋعا بەرىلەتىن گەنەراتسيالايتىن قوندىرعىلاردى سالۋعا ارنالعان شارت جوباسى قامتىلعان جاڭادان پايدالانۋعا بەرىلەتىن گەنەراتسيالايتىن قوندىرعىلاردى سالۋعا ارنالعان تەندەرلىك قۇجاتتاما توپتاماسى; 4) قاتىسۋعا ءوتىنىم – تەندەردى ۇيىمداستىرۋشىعا تەندەرگە قاتىسۋشى ۇسىنعان جانە تەندەردى ۇيىمداستىرۋشىنىڭ جانە وسى قاعيدالاردىڭ 7-تارماعىندا كورسەتىلگەن قۇجاتتار جيىنتىعىن قوسا وتىرىپ, وسى قاعيدالاردىڭ تالاپتارىنا سايكەس رەسىمدەلگەن ءوتىنىم;5) تەندەرلىك ءوتىنىم – تەندەردى ۇيىمداستىرۋشىعا تەندەرگە قاتىسۋشى تەحنيكالىق-ەكونوميكالىق ەسەپتى قوسا ۇسىنعان ءوتىنىم; 6) تەحنيكالىق-ەكونوميكالىق ەسەپ – جاڭادان پايدالانۋعا بەرىلەتىن گەنەراتسيالايتىن قوندىرعىلاردىڭ سيپاتى مەن تالاپ ەتىلەتىن تەحنيكالىق, ساپالىق جانە پايدالانۋشىلىق سيپاتتاماسى نەگىزىندە تەندەرگە قاتىسۋشى قۇراستىرعان قۇرىلىس قۇنىنىڭ ەسەبى; 7) تەندەرلىك كوميسسيا – تەندەر قورىتىندىسىن شىعارۋ ءۇشىن تەندەردى ۇيىمداستىرۋشى قۇراتىن كوميسسيا.
2. جاڭادان پايدالانۋعا بەرىلەتىن گەنەراتسيالايتىن قوندىرعىلاردى سالۋعا تەندەر وتكىزۋ ءتارتىبى 3. بولجانىپ وتىرعان ەلەكتر قۋاتىنىڭ تاپشىلىعىن جابۋ ءۇشىن تەندەردى ۇيىمداستىرۋشى ونى وتكىزۋ مەرزىمدەرىن كورسەتە وتىرىپ, جاڭادان پايدالانۋعا بەرىلەتىن گەنەراتسيالايتىن قوندىرعىلار سالۋعا تەندەر (بۇدان ءارى – تەندەر) وتكىزەدى.4. تەندەردى وتكىزۋ ءۇشىن تەندەردى ۇيىمداستىرۋشى قۇرامى مەن ەرەجەسىن ءوز بۇيرىعىمەن بەكىتىپ تەندەرلىك كوميسسيانى قۇرادى. 5. تەندەر ۇيىمداستىرۋشى: 1) جاڭادان پايدالانۋعا بەرىلەتىن گەنەراتسيالايتىن قوندىرعىلاردىڭ سيپاتىن جانە تالاپ ەتىلەتىن تەحنيكالىق, ساپالىق جانە پايدالانۋ سيپاتتاماسىن;2) جاڭادان پايدالانۋعا بەرىلەتىن گەنەراتسيالايتىن قوندىرعىلاردى سالۋ شارتىنىڭ جوباسىن قامتيتىن تەندەرلىك قۇجاتتامانى ازىرلەيدى جانە بەكىتەدى. 6. تەندەردى ۇيىمداستىرۋشى تەندەرلىك قۇجاتتاماسى بەكىتىلگەن كۇنىنەن باستاپ ءۇش جۇمىس كۇنىنەن كەشىكتىرمەي, بىراق تەندەرگە قاتىسۋشىنىڭ تەندەرگە قاتىسۋعا ارنالعان قۇجاتتار مەن ماتەريالداردى ۇسىنۋ كۇنى اياقتالعانعا دەيىن كەمىندە كۇنتىزبەلىك وتىز كۇن بۇرىن تەندەردى وتكىزۋ تۋرالى حابارلاندىرۋدى بۇقارالىق اقپاراتتار قۇرالدارىندا جاريالايدى. 7. تەندەرگە قاتىسۋ ءۇشىن تەندەرگە قاتىسۋشىلار مىنالاردى: 1) تەندەرگە قاتىسۋشىنىڭ قولى قويىلعان ءوتىنىمدى; 2) زاڭدى تۇلعانى مەملەكەتتىك تىركەۋ (قايتا تىركەۋ) تۋرالى كۋالىكتىڭ كوشىرمەسىن; 3) ءوتىنىم بەرۋشىنىڭ ءبىرىنشى باسشىسىنىڭ جەكە باسىن كۋالاندىراتىن قۇجاتىنىڭ كوشىرمەسىن;4) زاڭدى تۇلعا جارعىسىنىڭ كوشىرمەسىن; 5) ءوتىنىم بەرۋشىنىڭ ءبىرىنشى باسشىسىنىڭ نەمەسە ونى الماستىراتىن تۇلعانىڭ, سونداي-اق باس بۋحگالتەردىڭ (بۋحگالتەردىڭ) قولى قويىلعان, سوڭعى ەسەپ بەرۋ كۇنىندەگى قارجىلىق ەسەپتىلىكتىڭ كوشىرمەسى ن; 6) ءوتىنىم بەرۋشىنىڭ بانكتىك ەسەپ شوتىنداعى اقشا قوزعالىسى تۋرالى بانك قىزمەت كورسەتۋشىسىنىڭ ءۇزىندى كوشىرمەسىن (كارتوتەكانىڭ جوق ەكەندىگى تۋرالى) جانە تەندەرگە قاتىسۋعا ءوتىنىم بەرگەن كۇنىنە ءبىر جىلدان اسپايتىن كرەديتتىك تاريحى بار تولىق نەمەسە ءىشىنارا مالىمەتتەردى قامتيتىن كرەديت بيۋروسىنان الىنعان كرەديتتىك ەسەپتى; 7) قاتىسۋعا ءوتىنىم بەرىلگەن كۇنگە ءۇش ايدان اسپايتىن مەرزىممەن بيۋدجەتكە سالىق جانە باسقا دا مىندەتتەمەلەر بويىنشا بەرەشەكتەردىڭ بولۋى نەمەسە بولماۋى تۋرالى تىركەۋدى ەسەپكە الۋ ورنى بويىنشا سالىق قىزمەتى ورگانىنىڭ انىقتاماسىن قامتيتىن قاتىسۋعا ارنالعان ءوتىنىمدى ۇسىنادى. ەگەر زاڭدى تۇلعا قۇجاتتاردى تاپسىرعان ساتكە قازاقستان رەسپۋبليكاسىنىڭ رەزيدەنتى بولىپ تابىلماعان جانە قازاقستان رەسپۋبليكاسىنىڭ سالىق تولەۋشىسى رەتىندە تىركەلمەگەن جاعدايدا, قازاقستان رەسپۋبليكاسىنىڭ سالىق ورگاندارىندا سالىق تولەۋشى رەتىندە مەملەكەتتىك تىركەلۋىنىڭ جوقتىعى تۋرالى انىقتامانىڭ كوشىرمەسىن ۇسىنادى. شەتەلدىك زاڭدى تۇلعالار وسى تارماقتىڭ 2), 4) تارماقشالارىندا كورسەتىلگەن زاڭداستىرىلعان قۇجاتتاردى, ساۋدا تىزىلىمىنەن زاڭداستىرىلعان ءۇزىندى كوشىرمەنى نەمەسە شەتەلدىك زاڭدى تۇلعا شەت مەملەكەتتىڭ زاڭناماسى بويىنشا زاڭدى تۇلعا بولىپ تابىلاتىندىعىن كۋالاندىراتىن باسقا دا زاڭداستىرىلعان قۇجاتتى نوتاريات كۋالاندىرعان قازاق جانە ورىس تىلدەرىندەگى اۋدارماسىمەن بىرگە ۇسىنادى.8. تەندەرگە قاتىسۋعا ارنالعان ءوتىنىمدى تەندەرگە قاتىسۋشى تەندەردى ۇيىمداستىرۋشىعا تىگىلگەن, پاراقتارى نومىرلەنگەن تۇردە بەرەدى جانە سوڭعى بەتىن ءوز قولىمەن جانە مورىمەن راستايدى.9. تەندەرگە قاتىسۋشى گرامماتيكالىق نەمەسە اريفمەتيكالىق قاتەلەرىن تۇزەتۋى قاجەت بولعان جاعدايلاردى قوسپاعاندا, وتىنىمدە جولدار اراسىندا ەشقانداي ەندىرمەلەرگە, وشىرۋلەرگە نەمەسە قوسىپ جازۋلارعا جول بەرىلمەيدى. 10. تەندەرگە قاتىسۋعا نيەت بىلدىرگەن قاتىسۋشى بەتكى جاعىندا تولىق اتاۋى جانە تەندەرگە قاتىسۋشىنىڭ پوشتالىق مەكەنجايى (ەگەر ول «كەشىكتى» دەپ جاريالانسا, تەندەرگە قاتىسۋعا ارنالعان تەندەرلىك ءوتىنىمدى اشىلماعان كۇيىندە قايتارۋ ماقساتىندا), تەندەردىڭ اتاۋى كورسەتىلگەن جاپسىرىلعان كونۆەرتتە ولاردى ۇسىنۋدىڭ تۇپكىلىكتى مەرزىمى اياقتالعان ۋاقىتقا دەيىن ۇسىنادى. 11. قاتىسۋعا وتىنىمدەردى كوميسسيا حاتشىسى تىركەيدى.12. وتىنىمدەر ۇسىنۋ مەرزىمى تەندەر وتكىزۋ تۋرالى حابارلانعان كۇننەن باستاپ كۇنتىزبەلىك وتىز كۇندى قۇرايدى.13. تەندەرگە قاتىسۋعا وتىنىمدەردى قاراۋ قورىتىندىلارى بويىنشا مىناداي تالاپتارعا سايكەس ايقىندالعان تەندەرگە قاتىسۋشىلار جىبەرىلەدى: 1) تەندەردى ۇيىمداستىرۋشىمەن شارت جاساسۋ ءۇشىن قاتىسۋشىنىڭ قۇقىقتىق قابىلەتىنىڭ بولۋى; 2) ەلەكتر قۋاتى قۇنىنىڭ جالپى كولەمىنەن كەمىندە 30 % ءوز قاراجاتى ەسەبىنەن قارجىلاندىرۋ ەسەبىنەن جاڭادان پايدالانۋعا بەرىلەتىن گەنەراتسيالايتىن قوندىرعىلاردى سالۋ ءۇشىن جەتكىلىكتى قارجى مەن ماتەريالدىق رەسۋرستاردىڭ بولۋى; 3) قاتىسۋعا وتىنىمدەردى تاپسىرۋ كۇنىنە ءۇش ايدان اسپايتىن مەرزىمدەگى سالىق بەرەشەگىنىڭ بولماۋى; 4) ونىڭ سوڭعى بەس جىل ىشىندە مەملەكەتتىك ورگاندارمەن جانە ۇيىمدارمەن جاساسقان شارتتار نەمەسە ۇقساس مەردىگەرلىك شارتتار بويىنشا مىندەتتەمەلەردى ورىنداماعانى نەمەسە تيىسىنشە ورىنداماعانى ءۇشىن سوت ارقىلى جاۋاپكەرشىلىككە تارتىلماۋى. 14. تەندەرلىك كوميسسيا, ەگەر تەندەرگە قاتىسۋشى قاعيدالاردىڭ 13-تارماعىنا سايكەس جالعان مالىمەتتەر ۇسىنسا, تەندەرلىك كوميسسياعا ۇسىنىلعان تەندەرگە قاتىسۋعا ءوتىنىمدى قابىلداماۋ قۇقىعىنا يە.15. ولاردى ۇسىنۋدىڭ تۇپكىلىكتى مەرزىمى وتكەننەن كەيىن ۇسىنىلعان, قاتىسۋعا ءوتىنىمى بار كونۆەرت تىركەلۋگە جاتپايدى جانە تەندەرگە قاتىسۋشىعا قايتارىلادى. 16. تەندەردى ۇيىمداستىرۋشىنىڭ قاتىسۋعا وتىنىمدەردى قاراۋ مەرزىمى تەندەرگە قاتىسۋشىلاردىڭ قاتىسۋعا وتىنىمدەردى ۇسىنۋ مەرزىمىنىڭ اياقتالۋ كۇنىنەن باستاپ ون جۇمىس كۇنىن قۇرايدى. 17. قاتىسۋعا وتىنىمدەردى ۇسىنۋ مەرزىمدەرى اياقتالعاننان كەيىن تەندەردى ۇيىمداستىرۋشى تەندەرگە قاتىسۋشىعا تەندەرگە جىبەرىلگەندىگى تۋرالى حابارلامانى جانە بەكىتىلگەن تەندەرلىك قۇجاتتامانى جىبەرەدى. 18. تەندەرگە قاتىسۋشى بەكىتىلگەن تەندەرلىك قۇجاتتامانى العاننان كەيىن تەحنيكالىق-ەكونوميكالىق ەسەپتى قۇراستىرادى جانە ونى جاپسىرىلعان كونۆەرتتە تەندەردى ۇيىمداستىرۋشىعا ۇسىنادى. 19. تەحنيكالىق-ەكونوميكالىق ەسەپتى قۇراستىرۋ مەرزىمى تەندەرگە قاتىسۋشىلار تەندەرگە جىبەرىلگەندىگى تۋرالى حابارلامانى جانە بەكىتىلگەن تەندەرلىك قۇجاتتامانى العان كۇنىنەن باستاپ التى ايدان اسپايدى. 20. تەندەرگە قاتىسۋعا ارنالعان تەندەرلىك وتىنىمدەرى بار كونۆەرتتەردى اشۋدى تەندەرلىك كوميسسيا تەندەردى ۇيىمداستىرۋشى تەندەرلىك قۇجاتتامادا كورسەتكەن كۇنى, ۋاقىتتا جانە ورىندا, تەندەرلىك كوميسسيا مۇشەلەرىنىڭ كوپشىلىگى, سونداي-اق تەندەرگە قاتىسۋشىلار نەمەسە ولاردىڭ ۋاكىلەتتى وكىلدەرىنىڭ قاتىسۋىمەن جۇرگىزەدى. 21. تەندەر