بۇل تۋرالى مەملەكەت باسشىسى قاسىم-جومارت توقاەۆ توتەنشە جاعداي ەنگىزىلۋىنە بايلانىستى قازاقستان حالقىنا جاساعان تەلەۆيزيالىق ۇندەۋىندە ايتتى.
«قازاقستان كوپتەگەن ەلدەن بۇرىن ۇكىمەت دەڭگەيىندە ارنايى ساراپتامالىق شتاب پەن ۆەدومستۆوارالىق كوميسسيا قۇردى, ۆيرۋستىڭ تارالۋىنا قارسى ارەكەت ەتۋ جوسپارىن قابىلدادى. دۇنيەجۇزىلىك دەنساۋلىق ساقتاۋ ۇيىمى جاريالاعان كوروناۆيرۋس پاندەمياسى اسا قاۋىپتى اۋقىمعا يە بولدى. سوندىقتان قازاقستاندىق زاڭناماعا سايكەس مەن ەلىمىزدىڭ اۋماعىندا توتەنشە جاعداي ەنگىزۋ تۋرالى جارلىققا قول قويدىم» دەدى قاسىم-جومارت توقاەۆ.
توتەنشە جاعداي رەجيمى 2020 جىلعى 16 ناۋرىزدا تاڭعى ساعات 8-دەن باستاپ 30 تاۋلىككە ەنگىزىلدى. پرەزيدەنت ءوز سوزىندە قاجەت بولعان جاعدايدا توتەنشە جاعداي رەجيمى ۇزارتىلۋى مۇمكىن ەكەنىن ايتتى.