قازاقستان پرەمەر-ءمينيسترى اسقار مامين قىرعىزستان ۇكىمەتىنىڭ باسشىسى مۋحاممەدكالىي ابىلگازيەۆپەن تەلەفونمەن سويلەستى. بۇل تۋرالى قازاقستاننىڭ قىرعىزستانداعى ەلشىلىگى حابارلادى.
اڭگىمە بارىسىنا تاراپتار قازاقستاندىق-قىرعىز ىنتىماقتاستىعىنىڭ وزەكتى ماسەلەلەرىن تالقىلادى.
ۇكىمەت باسشىلارى ازاماتتار مەن تاۋارلاردىڭ كەدەرگىسىز ءوتۋى ءۇشىن مەملەكەتتىك شەكارانىڭ قازاقستاندىق-قىرعىز ۋچاسكەسىندەگى باقىلاۋ-وتكىزۋ پۋنكتتەرىنىڭ ودان ءارى بىرلەسكەن جانە ۇيلەسىمدى جۇمىسىن قامتاماسىز ەتۋ ماسەلەسىنە ايرىقشا نازار اۋداردى. بۇگىندە جۇكتەردى تاسىمالداۋ ءۇشىن قازاقستاندىق-قىرعىز شەكاراسىندا ەشقانداي كەدەرگى جوق ەكەنى اتاپ ءوتىلدى.