نۇر-سۇلتان قالاسىنىڭ اكىمدىگى باعانى تۇراقتاندىرۋ بويىنشا 2 باعىتتا جۇمىس جۇرگىزىپ جاتقانىن حابارلادى.
تۇراقتاندىرۋ قورى قۇرىلىپ, ساۋدا جەلىلەرىن جەڭىلدىكپەن نەسيەلەندىرۋ بويىنشا جۇمىستار جۇرگىزىلگەن.
«اينالىم سحەماسى» جوباسىنا «Magnum», «استىقجان», «كەنمارت», «Small», «شاپاعات», «ەۆرازيا», «ارتەم», «بيگ شانحاي» سياقتى ساۋدا ورىندارى قاتىسادى, سونداي-اق ەت پەن جارما بويىنشا جەتكىزۋشىلەر انىقتالدى. دۇرلىگۋگە سەبەپ جوق, ازىق-ت ۇلىك جەتكىلىكتى مولشەردە بار» دەلىنگەن اكىمدىك تاراتقان اقپاراتتا.
الەۋمەتتىك نان باعاسىن ۇستاپ تۇرۋ ماسەلەسى دە قاراستىرىلعان.
تۇراقتاندىرۋ قورىنىڭ ۇن قورى تولىقتىرىلىپ, قالانىڭ ناۋبايحانالارىنا قولداۋ كورسەتىلىپ جاتىر. اۋىلشارۋاشىلىق جارمەڭكەلەرىن وتكىزۋ باعانى ۇستاپ تۇرۋعا جانە ءونىمدى نارىقتىق باعادان تومەن ساتۋعا مۇمكىندىك بەرەدى. اۋىلشارۋاشىلىق جارمەڭكەلەرىنىڭ ماۋسىمى «اسپان بازار» ساۋدا ۇيىندە باستالدى, جارمەڭكە ءار سەنبى مەن جەكسەنبى كۇندەرى ءساۋىر ايىنا دەيىن وتەدى.