كوروناۆيرۋس جۇقتىرعان ناۋقاس ۇشىپ كەلگەن ماسكەۋ-نۇر-سۇلتان رەيسىندەگى 35 جولاۋشى وڭىرلەرگە كەتكەن. بۇل تۋرالى ورتالىق كوممۋنيكاتسيالار الاڭىندا ءوتىپ جاتقان بريفينگتە نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى ساۋلە كيسيكوۆا مالىمدەدى.
«12 ناۋرىز كۇنى كوروناۆيرۋس انىقتالعان ناۋقاسپەن بىرگە ماسكەۋ - نۇر-سۇلتان رەيسىمەن ۇشىپ كەلگەن كەلگەن 89 جولاۋشىنىڭ قايدا كەتكەنى انىقتالدى. 35 ادام ەلوردادان شىعىپ كەتكەن, 14-ءى وڭىرلەردە. ولار قازىر جەرگىلىكتى دەنساۋلىق ساقتاۋ ورگاندارىنىڭ باقىلاۋىنا الىنىپ, لابوراتوريالىق زەرتتەۋ جۇرگىزىلىپ جاتىر. ال قالعان 54 جولاۋشىنىڭ 53-ءى ەلوردادا كارانتيندە جاتىر, ولار دا تەكسەرىلىپ جاتىر» دەدى نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى ساۋلە كيسيكوۆا.
21 جولاۋشى رەسەيگە ۇشىپ كەتكەن. 1 جولاۋشى ديپلوماتيالىق ميسسياسىنا بايلانىستى رەسەي ەلشىلىگىنىڭ اۋماعىندا قالعان.
نۇر-سۇلتان قالاسىندا ەكى ناۋقاس انىقتالعان.