قازاقستاندا كوروناۆيرۋس جۇقتىرعاندار سانى 4 ادامعا جەتتى. ول ازامات تا گەرمانيادان كەلگەن ۇشاقتىڭ ىشىندە بولعان. بۇل تۋرالى دەنساۋلىق ساقتاۋ مينيسترلىگىنىڭ رەسمي وكىلى دياس احمەتشارىپ «قازاقستان» تەلەارناسىنداعى «اشىق الاڭ» باعدارلاماسىندا ايتتى.
«گەرمانيادان كەلگەن ۇشاقتا بولعان 1976 جىلى تۋعان ەر ادام قازىر ستاتسيوناردا ەم الىپ جاتىر.
ال ميلان قالاسىنان كەلگەن ازاماتتار لاباروتوريالىق تەكسەرۋ بويىنشا كوروناۆيرۋستىق ينفەكتسيا انىقتالعان بولاتىن. بۇل ازاماتتار ەلگە كەلە سالا ءبىزدىڭ پروتوكول بويىنشا اەروپورتتا تىكەلەي كارانتينگە جاتقىزىلدى» دەدى دياس احمەتشارىپ.