ش. شاياحمەتوۆ اتىنداعى ء«تىل-قازىنا» رەسپۋبليكالىق عىلىمي-پراكتيكالىق ورتالىعىندا نۇر-سۇلتان قالاسىنداعى جوعارى وقۋ ورىندارى عالىمدارى جانە كاسىپتىك-تەحنيكالىق ۇيىمدارى وقىتۋشىلارىنىڭ قاتىسۋىمەن قازاق ءتىلىنىڭ لاتىن گرافيكاسى نەگىزىندەگى ءالىپبيىن جەتىلدىرۋ ماسەلەسى تالقىلاندى. بۇل تۋرالى قالا اكىمدىگىنىڭ ءباسپاسوز قىزمەتى حابارلادى.
ماماندار لاتىن گرافيكاسىنا نەگىزدەلگەن ءالىپبي جوباسىنداعى كەيبىر دىبىستاردىڭ تاڭبالانۋىن قايتا قاراستىرىپ, ولاردىڭ جازىلىم مەن وقىلىمىنداعى ارتىقشىلىقتارى مەن كەمشىلىكتەرىن عىلىمي-ادىستەمەلىك تۇرعىدان زەرتتەدى.
وتىرىسقا قازاقستان رەسپۋبليكاسى مادەنيەت جانە سپورت مينيسترلىگى ءتىل ساياساتى كوميتەتى, ش. شاياحمەتوۆ اتىنداعى ء«تىل-قازىنا» رەسپۋبليكالىق عىلىمي-پراكتيكالىق ورتالىعىنىڭ جاۋاپتى قىزمەتكەرلەرى, ل. گۋميلەۆ اتىنداعى ەۋرازيا ۇلتتىق ۋنيۆەرسيتەتى, س. سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ عالىمدارى قاتىستى. تالقىلاۋ ناتيجەسىندە وتىرىس مۇشەلەرى لاتىن ءالىپبيىنىڭ ۋملاۋت نۇسقاسىن قولدادى.