قازاقستان حالىق پارتياسى (قحپ) ەل وڭىرلەرىندە كونستيتۋتسيالىق رەفورمانى ءتۇسىندىرۋ جۇمىسىن جالعاستىرىپ جاتىر. ازاماتتارعا ۇسىنىلىپ وتىرعان وزگەرىستەر, جاڭاشىلدىقتار جانە قۇجاتتىڭ نورماتيۆتىك بولىگىنە ەنگىزىلەتىن تۇزەتۋلەر تۋرالى اقپارات بەرىلىپ, تۇرعىنداردىڭ دا ۇسىنىستارىنا نازار اۋدارىلىپ وتىر, دەپ جازادى Egemen.kz.
قحپ اباي وبلىسى, اقسۋات اۋداندىق وكىلدىگىنىڭ باسشىسى قايرات قايىرباەۆ جەرگىلىكتى پارتيا بەلسەندىلەرىمەن «جاڭا كونستيتۋتسيا – قازاقستاننىڭ قۇقىقتىق تىرەگى» تاقىرىبىندا پىكىرتالاس وتكىزدى.
پىكىرتالاس بارىسىندا جاڭا كونستيتۋتسيانىڭ ەلىمىزدىڭ ساياسي جۇيەسىن جاڭعىرتۋداعى ءرولى, ازاماتتاردىڭ قۇقىعى مەن بوستاندىعىن قورعاۋدى كۇشەيتۋدىڭ ماڭىزى, سونداي-اق مەملەكەتتىك باسقارۋ جۇيەسىن جەتىلدىرۋدە الاتىن ورنى تالقىلاندى.
جاڭا كونستيتۋتسيا: ساراپشىلار قوعامدىق تۇراقتىلىق پەن دامۋعا قولداۋ ءبىلدىردى
جيىنعا قاتىسۋشىلار كونستيتۋتسيالىق رەفورما قوعامنىڭ دامۋىنا قانشالىقتى ىقپال ەتەتىنى جونىندە پىكىر الماستى. باسقوسۋ بارىسىندا ازاماتتاردىڭ كوكەيىندەگى سۇراقتارعا جاۋاپ بەرىلدى.
ء«بىز اشىق ءارى سىندارلى ديالوگ الاڭىن قالىپتاستىردىق. مۇنداي پىكىرتالاس پارتيا مۇشەلەرىنىڭ ازاماتتىق بەلسەندىلىگىن ارتتىرىپ, قوعامدا بولىپ جاتقان وقيعالارعا جاۋاپكەرشىلىكپەن قاراۋعا سەپتىگىن تيگىزەدى», دەدى پارتيا وكىلدەرى.
قحپ قىزىلوردا وبلىستىق فيليالى «كونستيتۋتسيالىق رەفورما – ەل بولاشاعىنا جاسالعان جاڭا قادام» دەگەن ۇرانمەن جاڭا كونستيتۋتسيانىڭ جوباسىنا ارنالعان كەڭەس وتكىزدى. ءىس-شاراعا قىزىلوردا وبلىسى ادىلەت دەپارتامەنتىنىڭ قۇقىقتىق ءتۇسىندىرۋ جانە زاڭگەرلىك قىزمەت كورسەتۋ ءبولىمىنىڭ باسشىسى ايگۇل قوسبەرگەنوۆا, كوممەرتسيالىق ەمەس ۇيىمداردى تىركەۋ جانە باقىلاۋ ءبولىمىنىڭ باسشىسى ەركىن تاجىكەنوۆ, «قوعامدىق كەلىسىم» كمم ديرەكتورىنىڭ ورىنباسارى, تاريح عىلىمدارىنىڭ كانديداتى, PhD دوكتورى داۋلەت وماروۆ, قىزىلوردا وبلىستىق ادۆوكاتتار القاسىنىڭ ادۆوكاتى دينارا سەرىكقىزى جانە قالالىق جاستار رەسۋرستىق ورتالىعىنىڭ ديرەكتورى مەدەت جورابەك قاتىستى.
ۆولونتەرلىك قاۋىمداستىق جاڭا كونستيتۋتسيا جوباسىن قولدايتىنىن مالىمدەدى
باسقوسۋ بارىسىندا قۇجاتقا ەنگىزىلەتىن نەگىزگى وزگەرىستەر مەن تولىقتىرۋلار تانىستىرىلدى. ساراپشىلار كونستيتۋتسيالىق رەفورما قوعامداعى ادىلەتتىلىكتى نىعايتۋدى, مەملەكەتتىك ينستيتۋتتاردىڭ تيىمدىلىگىن ارتتىرۋدى جانە ازاماتتىق بەلسەندىلىكتى كۇشەيتۋدى كوزدەيتىنىن اتاپ ءوتتى. سونىمەن قاتار قۇجاتتا ازاماتتاردىڭ قۇقىعى مەن مۇددەسىن قورعاۋعا باسىمدىق بەرىلگەنىن تىلگە تيەك ەتتى.
«تالقىلاۋ پارتيالىق قۇرىلىمداردىڭ ۇيلەسىمدى جۇمىسىن كۇشەيتۋگە, ورتاق ماقساتتى ناقتىلاۋعا جانە جۇزەگە اسىرىلىپ جاتقان رەفورمانى ءتيىمدى ىسكە اسىرۋعا باعىتتالدى», دەدى ۇيىمداستىرۋشىلار.
قحپ تۇركىستان وبلىستىق فيليالىنىڭ ۇجىمى دا بەلسەندىلەرمەن بىرگە ۇسىنىلىپ وتىرعان كونستيتۋتسيا جوباسىن تالقىلادى.
«قازاقستان حالىق پارتياسى كونستيتۋتسيالىق رەفورمانى تالقىلاۋدا بەلسەندى ازاماتتاردىڭ پىكىرىن ەسكەرەدى», دەدى پارتيا وكىلدەرى.
پارتيا وسى باعىتتاعى كەزدەسۋ الداعى ۋاقىتتا دا جالعاساتىنىن مالىمدەدى.