مارات شيبۇتوۆ: اتا زاڭ جوباسى جالپىحالىقتىق رەفەرەندۋمعا شىعارۋعا دايىن

ول ءوز پىكىرىن كونستيتۋتسيالىق رەفورما جونىندەگى كوميسسيانىڭ ونىنشى وتىرىسىندا ءبىلدىردى.

مارات شيبۇتوۆ قۇرىلتاي بىرقاتار جوعارى لاۋازىمدى تۇلعالاردى تاعايىنداۋدى كەلىسۋگە قۇقىلى ەكەنىن ايتتى. ولاردىڭ قاتارىندا ۆيتسە-پرەزيدەنت, پرەمەر-مينيستر, كونستيتۋتسيالىق سوتتىڭ 10 سۋدياسى, ورتالىق سايلاۋ كوميسسياسىنىڭ 6 مۇشەسى جانە جوعارى اۋديتورلىق پالاتانىڭ 8 مۇشەسى بار. ياعني, قازىرگىدەن الدەقايدا كوپ.

قازاقستان حالىق پارتياسى وڭىرلەردە كونستيتۋتسيالىق رەفورما بارىسىن ءتۇسىندىردى

مارات شيبۇتوۆ پارلامەنتتى تاراتۋ تەتىكتەرىن نەعۇرلىم يكەمدى جانە ىمىراعا كەلۋگە مۇمكىندىك بەرەتىندەي ەتۋدى ۇسىندى.

− «تاراتادى» دەگەن ءسوزدىڭ ورنىنا مەن ءۇزىلدى-كەسىلدىلىكتى الىپ تاستاپ, كەلىسىمگە كەلۋ مۇمكىندىگىن قالدىرىپ, «تاراتۋعا قۇقىلى» دەگەندى قولدانۋدى ۇسىنامىن. بۇل «پرەزيدەنت» بولىمىندەگى 46-باپتىڭ 2,4,8-تارماقتارىنا جانە «قۇرىلتاي» بولىمىندەگى 62-باپتىڭ 1,2-تارماقتارىنا قاتىستى.وسىلايشا, ءبىز ساياسي جۇيەنى يكەمدى جانە ىمىراعا كەلۋگە بەيىم ەتەمىز. قۇرمەتتى كوميسسيا, مەنىڭ ۇسىنىسىمدى قولداۋدى سۇرايمىن, − دەدى ول.

كونستيتۋتسيالىق رەفورما جاستارعا قانداي مۇمكىندىكتەر ۇسىنادى؟

ساياساتتانۋشى سونداي-اق جاڭا كونستيتۋتسيادا ۇسىنىلعان ءاربىر تۇجىرىم كونستيتۋتسيالىق كوميسسيادا قىزۋ تالقىلاۋدان ءوتىپ, اشىق قوعامدىق باعالاۋمەن سۇيەمەلدەنگەنىن اتاپ ءوتتى.

«بۇل كۇردەلى, كەيدە ىڭعايسىز, بىراق ادال ۇدەرىس بولدى. ناتيجەسىندە, قازىرگى كەزەڭدە بىزدە ءتۇرلى سالا ساراپشىلارىنىڭ بىرلەسكەن ەڭبەگى مەن ءارتۇرلى ۇستانىم, تاجىريبە مەن دۇنيەتانىمىنىڭ ناتيجەسى بولا الاتىن جوبا بار. سوندىقتان دا اتا زاڭ جوباسى جالپىحالىقتىق داۋىس بەرۋگە شىعارۋعا دايىن دەپ سانايمىن», دەدى مارات شيبۇتوۆ.

كونستيتۋتسيالىق رەفورما بيزنەستىڭ دە ءورىسىن كەڭەيتەدى