سەمەي قالاسىنىڭ قىلمىستىق ىستەر جونىندەگى اۋدانارالىق سوتىندا ونلاين پلاتفورمالار ارقىلى تەرروريزمدى ناسيحاتتادى دەپ ايىپتالعان جەرگىلىكتى تۇرعىنعا قاتىستى قىلمىستىق ءىس قارالدى, دەپ حابارلايدى Egemen.kz.
قازاقستان رەسپۋبليكاسىنىڭ زاڭناماسىنا سايكەس, «يسلام مەملەكەتى» حالىقارالىق تەرروريستىك ۇيىمىنىڭ قىزمەتى ەل اۋماعىندا تەرروريستىك دەپ تانىلىپ, وعان تىيىم سالىنعان.
سوت ماتەريالدارىنا سايكەس, 2024 جىلعى شىلدە مەن 2025 جىلعى ءساۋىر ارالىعىندا ايىپتالۋشى TikTok الەۋمەتتىك جەلىسىندەگى ءانونيمدى اككاۋنتتار ارقىلى, سونداي-اق جەكەلەگەن ازاماتتارمەن جەكە بايلانىس كەزىندە تەرروريستىك مازمۇنداعى ماتەريالداردى تاراتقان. بۇل ماتەريالداردا زورلىق-زومبىلىقتى ناسيحاتتاۋ جانە تەرروريستىك ارەكەتتەردى اقتاۋ بەلگىلەرى بولعان.
سوت شەشىمىمەن ول قىلمىستىق كودەكستىڭ 256-بابىنىڭ 2-بولىگى (تەرروريزمدى ناسيحاتتاۋ نەمەسە تەرروريزم اكتىسىن جاساۋعا جاريا تۇردە شاقىرۋ) بويىنشا كىنالى دەپ تانىلىپ, 7 جىلعا باس بوستاندىعىنان ايىرىلدى.
سوت ۇكىمى زاڭدى كۇشىنە ەندى.
اباي وبلىسىنىڭ پروكۋراتۋراسى ازاماتتاردى ينتەرنەت كەڭىستىگىندە تەرروريستىك جانە ەكسترەميستىك سيپاتتاعى ماتەريالداردى تاراتۋ, قايتا جاريالاۋ نەمەسە ساقتاۋ قىلمىستىق جاۋاپكەرشىلىككە اكەلەتىنىن ەسكەرتەدى. سونىمەن قاتار مۇنداي فاكتىلەر انىقتالعان جاعدايدا قۇقىق قورعاۋ ورگاندارىنا حابارلاۋعا شاقىرادى.
ساتباەۆ قالاسىندا تەرروريزمدi ناسيحاتتاعان ازامات سوتتالدى