قوستاناي وبلىسىنىڭ الەۋمەتتىك سالالارىن دامىتۋ: ۇكىمەتتە قانداي ماسەلەلەر كوتەرىلدى؟

وڭىردەگى دەنساۋلىق ساقتاۋ سالاسىندا تۋبەركۋلەزدەن بولاتىن ءولىم-ءجىتىمنىڭ 7,1%-عا تومەندەگەن. الايدا شەشىمىمىن كۇتكەن ماسەلەلەر دە بار. اتاپ ايتساق, سكرينينگتىك تەكسەرۋلەردىڭ ساپاسىن ارتتىرۋ جانە ينتەرۆەنتسيالىق كومەكتىڭ قولجەتىمدىلىگىن قامتاماسىز ەتۋ باعىتىندا شارالار قابىلداۋ قاجەت.

ءبىلىم بەرۋ سالاسىنداعى باستى جەتىستىك رەتىندە دۋالدى وقىتۋ جۇيەسىنىڭ 30 كوللەدجدە 593 كاسىپورىننىڭ قاتىسۋىمەن ءساتتى ەنگىزىلۋى اتالدى. سونىمەن قاتار مەكتەپتەردە تسيفرلاندىرۋ مەن جاساندى ينتەللەكت تەحنولوگيالارى بەلسەندى تۇردە قولدانىلىپ كەلەدى. سونداي-اق ارنايى پەداگوگ كادرلارىنىڭ تاپشىلىعىن جويۋعا باعىتتالعان جۇمىستار اتقارىلىپ جاتىر.

قوستانايدا 2,2 ملرد تەڭگەگە سالىنعان جاڭا مەكتەپتىڭ شاتىرى وپىرىلىپ ءتۇستى

ايتا كەتەيىك, سوڭعى ءۇش جىلدا وبلىستا ستۋدەنتتەر سانى 15,3%-عا وسكەن. حالىقارالىق قوس ديپلومدى ءبىلىم بەرۋ باعدارلامالارى كەڭەيىپ, كادرلاردى پراكتيكاعا بەيىمدەپ دايارلاۋ جۇمىستارى دا كۇشەيتىلگەن. KIA كومپانياسىمەن ىنتىماقتاستىق اياسىندا «اۆتوموبيل ونەركاسىبىنىڭ ينجينيرينگى» باعدارلاماسى بويىنشا وقىعان 22 ستۋدەنتتىڭ 17-ءسى بۇگىندە تۇراقتى جۇمىسپەن قامتىلعان.

سونىمەن قاتار ازاماتتاردى تۇراقتى جۇمىس ورىندارىنا ورنالاستىرۋ دەڭگەيىنىڭ تومەندىگى نەگىزگى تۇيتكىلدەردىڭ ءبىرى رەتىندە اتالدى. وبلىس اكىمدىگىنە وسى باعىتتا جۇمىستى كۇشەيتۋ تاپسىرىلدى.

وڭىردە بۇگىندە 580 مادەنيەت جانە ارحيۆ مەكەمەسى جۇمىس ىستەيدى. كەيىنگى ءۇش جىلدا 31 نىسان جوندەۋدەن ءوتىپ, 5 جاڭا مادەنيەت مەكەمەسى سالىنعان. الايدا مادەني ينفراقۇرىلىمدى جاڭعىرتۋعا دەگەن قاجەتتىلىك ءالى دە جوعارى دەڭگەيدە قالىپ وتىر.

قوستاناي قالاسىنداعى بالالاردىڭ نەشە پايىزى ارالاس مەكتەپتەردە ءبىلىم الىپ جاتىر؟

قوستاناي وبلىسىنىڭ تۋريستىك ينفراقۇرىلىمدى دامىتۋ ماسەلەلەرى دە وزەكتى. سونداي-اق ينكليۋزيۆتى سپورتتى دامىتۋعا دا ەرەكشە نازار اۋدارۋ قاجەتتىگى اتاپ ءوتىلدى.

كەڭەس قورىتىندىسى بويىنشا ايدا بالاەۆا پروفيلاكتيكالىق جانە اقپاراتتىق-ءتۇسىندىرۋ جۇمىستارىن كۇشەيتۋ, كادرلىق الەۋەتتى نىعايتۋ جانە الەۋمەتتىك سالانىڭ نەگىزگى باعىتتارى بويىنشا كەشەندى شارالاردى ىسكە اسىرۋدى تاپسىردى.