قاراعاندىدا قىزعىلت ءتۇستى قار جاۋدى

تامىزدىڭ 13-كۇنى كەشكى ساعات 22-00-دە قاراعاندىدا ەرەكشە وقيعا ورىن الدى – ءتۇسى قىزعىلت قار ۇشقىنداپ جاۋدى. بۇل تۋرالى «31 ارنا» حابارلادى.

ءبىر قىزىعى, مەتەورولوگتار بۇل كۇنى قار جاۋاتىنى تۋرالى ەشقانداي دا بولجام ايتپاعان ەكەن. ولاردىڭ ۋادە بەرگەنى جاڭبىر بولىپتى. جۇرت سونىڭ وزىنە سەنە قويماي, مىسقىلمەن قابىلداپتى.

الايدا. ەكولوگتار تامىز ايىندا دا قاردىڭ جاۋىپ قالۋ ىقتيمالدىعىن جوققا شىعارا قويمايدى. «بۇل قۇيىن, تايفۋن, نايزاعاي ويناۋى سياقتى بىردە-ءبىر مەتەورولوگ بولجاپ ايتىپ بەرە المايتىن ادەتتەگىدەي تابيعي قۇبىلىس. ءشولدى القاپتان مىڭداعان شاقىرىم قاشىقتا جاتقان جەرلەرگە جەلمەن كوتەرىلىپ بارعان قۇمنىڭ جاۋعان دەرەكتەرى دە تاريحتان بەلگىلى. نەمەسە گۇلدىڭ توزاڭدانۋى 10-15 مىڭ شاقىرىم جەرگە دەيىن سوزىلا بەرەدى. سوندا دا بولسا, جۇرت شالشىق سۋ نەگە اق نەمەسە جاسىل بولادى دەپ تاڭ قالا بەرەدى», - دەيدى قاراعاندىداعى «ەكومۋزەي» ديرەكتورى دميتري كالمىكوۆ.

مۇرات ايتقوجا.