مادەنيەتارالىق ديالوگ – ىنتىماقتاستىق نەگىزى

تاراپتار قازاقستان مەن يۋنەسكو اراسىنداعى مادەنيەتارالىق ديالوگتى دامىتۋ سالاسىنداعى دايەك­تى ىنتى­ماقتاستىقتى تالقىلادى. يۋنەسكو باس ديرەكتورىنىڭ ورىن­­باسارى ءوز كەزەگىندە ەلباسى نۇرسۇل­تان نازارباەۆتىڭ الەمدىك جانە ءداستۇرلى دىندەر ليدەرلەرىنىڭ سەزى سىندى الاڭ قۇرۋ تۋرالى باستا­ما­سىنىڭ ماڭىزدىلىعىن اتاپ ءوتتى.

«بۇگىنگى تاڭدا ەلوردامىزدا التى دىنارالىق فورۋم ءوتتى. مي­نيستر­­لىك, قازاقستاندىق تاراپتىڭ نەگىز­گى ۇيىم­داستىرۋشىلارىنىڭ ءبىرى رە­تىندە, 2021 جىلدىڭ كۇزىندە وتەتىن كەزەكتى سەزگە دايىندىق جۇمىس­­تارىن بەلسەندى جۇرگىزۋدە. ءبىز يۋنەسكو-نىڭ بۇرىنعى باسشىلارى كويچي ماتسۋرا مەن يرينا بوكوۆا­نىڭ وسى ماڭىزدى الاڭنىڭ جۇمى­سىنا قا­تىسۋىن, سونداي-اق قازىرگى باس ديرەك­تور ودرە ازۋلەنىڭ تۇبەگەي­لى قىزى­عۋ­شىلىعىن جوعارى باعالاي­مىز», دەدى داۋرەن اباەۆ كەزدەسۋ بارىسىندا.

سونداي-اق كەزدەسۋدە «جۋسان» گۋما­ني­تارلىق وپەراتسياسىنىڭ ناتي­جەلەرى اتاپ ءوتىلدى جانە بارلىق كەزەڭدەردىڭ نا­تي­جەلەرى بويىنشا سيريادان 595 قازاق­ستاندىق شىعارىلدى. قازاقستان­دىق تاجىريبە شەتەلدىك ارىپتەستەردىڭ جوعارى قىزىعۋشىلىعىن تۋدىردى.

سونىمەن قاتار قازاقستاننىڭ اقپارات جانە قوعامدىق دامۋ ءمي­نيسترى ەلىمىزدىڭ بايلانىس سالاسىن دامىتۋدىڭ حالىقارالىق باعدار­لاماسىنا قاتىسۋىن جانداندىرۋ ماسەلەسىنە قىزىعۋشىلىق تانىتتى.

ء«بىز ءۇشىن جۋرناليستىك ءبىلىم سالا­سىنداعى ىنتىماقتاستىق تا ماڭىزدى. بولاشاقتا يۋنەسكو-نىڭ ۋنيۆەرسيتەتتەر ءۇشىن جۋرناليستيكا بويىنشا جاساعان تيپتىك وقۋ باعدارلاماسىن جانە جالعان جاڭالىقتاردىڭ تارالۋىنا قارسى ءىس-قيمىل جونىندەگى نۇسقاۋلىقتى, مىسالى, ولاردىڭ قازاق تىلىنە اۋدارىلۋىن جەڭىلدەتۋ ارقىلى قازاق­ستاندا كەڭىرەك قولدانۋ ورىندى دەپ ويلايمىن», دەدى د.اباەۆ.