«مەكتەپكە جول»اكتسياسى الەۋمەتتىك جاعىنان از قامتىلعان وتباسى بالالارىن جاڭا وقۋ جىلىنا دايىنداۋعا قولداۋ كورسەتۋگە باعىتتالىپ وتىر
جاقىندا شىعىس قازاقستان وبلىسىندا 2013 جىلعى وقۋمەن قامتىلماي قالعان وقۋشىلاردى انىقتاۋ, ساباققا سەبەپسىز جانە الەۋمەتتىك سەبەپتەرمەن بارماۋدىڭ الدىن الۋ, وقۋشىلاردى جاڭا وقۋ جىلىنا دايىنداۋعا قولداۋ كورسەتۋگە باعىتتالعان ءداستۇرلى «مەكتەپكە جول» جالپىرەسپۋبليكالىق اكتسياسى باستالدى.
«مەكتەپكە جول»اكتسياسى الەۋمەتتىك جاعىنان از قامتىلعان وتباسى بالالارىن جاڭا وقۋ جىلىنا دايىنداۋعا قولداۋ كورسەتۋگە باعىتتالىپ وتىر
جاقىندا شىعىس قازاقستان وبلىسىندا 2013 جىلعى وقۋمەن قامتىلماي قالعان وقۋشىلاردى انىقتاۋ, ساباققا سەبەپسىز جانە الەۋمەتتىك سەبەپتەرمەن بارماۋدىڭ الدىن الۋ, وقۋشىلاردى جاڭا وقۋ جىلىنا دايىنداۋعا قولداۋ كورسەتۋگە باعىتتالعان ءداستۇرلى «مەكتەپكە جول» جالپىرەسپۋبليكالىق اكتسياسى باستالدى.
بيىلعى جىلى اكتسيا «بولاشاقتى ءبىز بىرگە جاسايمىز» ۇرانىمەن ءوتىپ جاتىر. وبلىستىق بالالار قۇقىقتارىن قورعاۋ باسقارماسى وسكەمەن قالاسى اكىمدىگىمەن بىرلەسىپ قالاداعى «جاستار» ساياباعىنىڭ ورتالىق الاڭىندا «مەكتەپكە جول» رەسپۋبليكالىق اكتسياسىنىڭ باستالۋىنا ارنالعان سالتاناتتى شارا وتكىزدى.
ساياباقتا ءان-كۇي توگىلىپ, كوڭىلدى اۋەن قالقىدى, تاماشا كوڭىل-كۇيمەن «مەكتەپكە جول» ءداستۇرلى مەرەكەسىنە بالالار مەن اتا-انالارى, اجەلەرى, بالالار شىعارماشىلىق ۇجىمدارى, ۇستازدار مەن قوناقتار, دەمەۋشىلەر مەن رەسپۋبليكالىق, وبلىستىق, قالالىق بۇقارالىق اقپارات قۇرالدارىنىڭ وكىلدەرى جينالدى.
شقو بالالار قۇقىقتارىن قورعاۋ باسقارماسىنىڭ باسشىسى ا.يساەۆ جانە «تەمىربانك» اق فيليالىنىڭ ديرەكتورى ءمىندەتىن اتقارۋشى ل.دوروش قاتىسۋشىلاردى قۇتتىقتاپ, الەۋمەتتىك جاعىنان از قورعالعان وتباسى بالالارىنا وقۋ قۇرالدارى مەن پورتفەلدەردى تابىس ەتتى.
بالالار كەڭسە تاۋارلارى سالىنعان ەرتەگى كەيىپكەرلەرى بەينەلەنگەن پورتفەلدەرگە قۋانسا, اتا-انالارى ۇيىمداستىرۋشىلار مەن دەمەۋشىلەرگە بالالارىن نازاردان تىس قالدىرماي مەكتەپكە دايىنداۋعا كومەكتەسكەندەرى ءۇشىن العىستارىن ءبىلدىردى.
كورەرمەندەر شىعىستىڭ جاس دارىندارىنا, وسكەمەن قالالىق اكىمدىگىنىڭ ونەر مەكتەپتەرىنىڭ وقۋشىلارىنا قىزۋ قولداۋ كورسەتتى.
شارا شەڭبەرىندە وسكەمەن قالاسىنىڭ وتباسى مەن بالالىقتى قولداۋ ورتالىعىنىڭ زاڭگەرلەرى اتا-انالار مەن بالالارعا تولعاندىرعان سۇراقتارى بويىنشا كەڭەس بەردى.
بارلىق قاتىسۋشىلار مەرەكەلىك-ويىن الاڭىندا جاعىمدى اسەر الىپ, بوس ۋاقىتتارىن كوڭىلدى وتكىزدى. شارانى وتكىزۋشىلەر «كازتسينك» جشس, «ەۆرازيا» ساۋدا ورتالىعى, «تەمىربانك» اق شقف-عا قولداۋ كورسەتكەندەرى ءۇشىن العىستارىن ءبىلدىردى.
«مەكتەپكە جول» اكتسياسى بويىنشا وسىنداي شارالار وبلىسىمىزدىڭ بارلىق ەلدى مەكەندەرىندە ءوتىپ جاتىر, ءسويتىپ, جۇرەگى كەڭ جومارت ازاماتتار بالالاردى جاڭا 2013-2014 وقۋ جىلىنا دايىنداۋعا بەلسەندىلىكپەن قاتىسۋدا.
وڭداسىن ەلۋباي,
«ەگەمەن قازاقستان».
وسكەمەن.