الماتىلىق مەكتەپ وقۋشىسى الان ماشەن الەمدىك كاسىپكەرلەردىڭ باسىن قوسىپ, بيزنەس فورۋم ۇيىمداستىردى.
الان 16 جاستا. ساباعىن ۇزدىك وقيتىن زياتكەر بىرنەشە بايقاۋلاردىڭ جەڭىمپازى. تالابى تاۋداي بالانىڭ دايىنداپ جاتقان جوبالارى از ەمەس. كاسىپكەرلەر مەن جاس تالاپكەرلەردى ءبىر اۋديتوريادا توعىستىرعان جيىندا ءتۇرلى بيزنەس جوبالار تالقىلاندى.
وتاندىق كاسىپكەرلەردەن بولەك فورۋمعا قاتىسقان الەمگە تانىمال كاسىپ يەلەرى دە قۇرمەتتى مەيمان رەتىندە وزدەرىنىڭ تابىس جولىنداعى قۇپيالارىمەن ءبولىستى. شارانى ۇيىمداستىرۋعا «نۇرسۇلتان نازارباەۆ ءبىلىم بەرۋ» قورى مۇرىندىق بولعان.
«بۇگىنگى جوبامنىڭ ماقساتى – كاسىپكەرلەر مەن وقۋشىلار اراسىندا ەركىن ديالوگ الاڭىن ورناتۋ. بۇگىن ءبىز 6 مەكتەپتىڭ وكىلدەرىن شاقىردىق. فورۋمعا 200-دەن استام ادام قاتىسۋدا. سوڭعى كەزدە ەلىمىزدىڭ ەكولوگياسىنا الاڭداۋلىمىن. قازىر وسى تاقىرىپتا ۇلكەن جوبا ازىرلەپ جاتىرمىن», – دەيدى حالىقارالىق مەكتەپتىڭ وقۋشىسى الان ماشەن.