الەمدىك تاجىريبە قانتوگىس پەن رەۆوليۋتسيا ەشبىر مەملەكەتكە بەرەكە اكەلمەيتىنىن الدەقاشان دالەلدەدى. بارلىق جاعدايدى بەيبىت جولمەن, مامىلەمەن شەشۋ ەڭ دۇرىس جول. دەگەنمەن ميتينگىلەر مەن بەيبىت شەرۋلەر وتكىزۋ ءىسى الەم ەلدەرىندە زاڭمەن بەكىتىلگەنى قالىپتى جاعداي. بۇعان قاتىستى زاڭىمىزدىڭ جۇيەلەنىپ, ءبىر ىزگە تۇسكەنى دۇرىس بولادى دەپ ەسەپتەيمىن.
جاڭالىعى كوپ جاڭا تۇجىرىم ازاماتتارمەن بيلىك اراسىنداعى بايلانىستى نىعايتىپ, ەشكىمنىڭ قۇقىعىن شەكتەمەيتىن ءتارتىپ ورناتادى دەگەن سەنىم زور. تاعى ءبىر ەسكەرەر جاعداي, ميتينگىلەردى تەك ۇكىمەتكە قارسى باعىتتالعان شارا دەپ قابىلداۋ قاتە ۇعىم.
زاڭ جوباسىنىڭ ماڭىزدى تارماعىنىڭ ءبىرى – بەيبىت جينالىستار مەن باسقا دا بۇقارالىق ءىس-شارالاردىڭ ايىرماشىلىعىن اشىپ كورسەتۋ. ازاماتتار كەز كەلگەن جاعدايدا بەيبىت جولمەن ءوز پىكىرلەرىن بىلدىرۋگە قۇقىلى. بۇعان دەيىن ۇلكەن-كىشى پيكەتتەرگە دەيىن بارلىعى ءبىر باعىتتا سيپاتتالىپ كەلدى. ال ادام سانى, بەيبىت شەرۋلەردىڭ ناقتى ءتارتىبى بەلگىلەنگەننەن كەيىن جاعداي باسقاشا بولماق. ەڭ باستىسى كەلىسىم مەن مادەنيەت ءبىرىنشى ورىندا تۇرۋعا ءتيىس. مەملەكەتتىڭ تۇراقتىلىعى بارىنەن دە ماڭىزدى.
اسحات اسىلبەكوۆ,
قوعام بەلسەندىسى, ساراپشى