وقۋ ورنىمىزدا «21 عاسىرداعى اباي» كۋرسى وقىتىلادى.
بۇگىن وسكەمەندەگى داۋلەت سەرىكباەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىندە اباي جىلىنىڭ سالتاناتتى اشىلۋ ءراسىمى ءوتتى.
سالتاناتتى شارا وقۋ ورىنىڭ ءبىرىنشى پرورەكتورى ساۋلە راحمەتۋللينانىڭ قۇتتىقتاۋ سوزىمەن اشىلدى.
«بيىلعى جىل - مەملەكەتىمىز ءۇشىن ەرەكشە جىل. ەرەكشە بولاتىنى, ويشىل, اقىن اباي قۇنانباي ۇلىنىڭ 175 جىلدىعى. بۇل مەرەيلى داتاعا ءبىزدىڭ ۋنيۆەرسيتەتىمىز دە ءوز ۇلەسىن قوسادى. ابايدىڭ مۇراسى – پاراساتتى ءپاتريوتيزمنىڭ مەكتەبى, ەلدىكتى قادىرلەۋدىڭ نەگىزى. ءبىزدىڭ وقۋ ورنىنىڭ باستى مىندەتى – اباي مۇراسىن, ەڭبەكتەرىن ۇرپاق ساناسىنا ءسىڭىرۋ. وسى ورايدا ۋنيۆەرسيتەتىمىزدە كوپتەگەن جوبالار قولعا الىنۋدا. سونىڭ ءبىرى – «ادام بول» اكادەمياسى. بۇل جوبا ستۋدەنتتەردىڭ ساناسىن جاڭعىرتۋعا باعىتتالعان. ۋنيۆەرسيتەت تۇلەكتەرى قانداي ورتادا بولسىن باسەكەگە قابىلەتتى بولۋى ءتيىس. وقۋ ورنىمىزدا «21 عاسىرداعى اباي» كۋرسى وقىتىلادى. بۇعان ۋنيۆەرسيتەتتە ۇزاق جىل ەڭبەك ەتكەن ابايتانۋشى ەۆگەني گريگورەۆتىڭ ۇلەسى زور. بيىل ول كىسىنىڭ كىتابىن قايتا شىعارماق ويىمىز بار. سونىمەن قاتار ۇلكەن عالىم, ابايتانۋشى عاريفوللا ەسىم مەن پروفەسسور شاحماردان ءابىلوۆتى ارنايى شاقىرىپ, دوڭگەلەك ۇستەل وتكىزۋدى جوسپارلاپ وتىرمىز» دەدى ول ءوزىنىڭ قۇتتىقتاۋ سوزىندە.
شارا ودان ءارى ءان مەن كۇيگە ۇلاستى.
ۆ.تكاچ, يۋ.يۋروچكينا, ج.بيسيمباەۆ سەكىلدى ونەرپازدار ابايدىڭ «كوزىمنىڭ قاراسى», «ايتتىم, سالەم, قالامقاس» اندەرىن اۋەلەتسە, «بايجىگىت» اتىنداعى ۇلت-اسپاپتار وركەسترى بىرنەشە كۇيدى كۇمبىرلەتتى.
وسكەمەن
سۋرەتتەردى تۇسىرگەن تىلەۋبەك شاياحمەت