ەسەپتىك كەزدەسۋ بارىسىندا تۇرعىنداردىڭ سۇراقتارىنا جاۋاپ بەرگەن الماتى قالاسىنىڭ اكىمى باقىتجان ساعىنتاەۆ جامبىل وبلىسى قورداي اۋدانىندا بولعان وقيعادان كەيىن قالادا قابىلدانعان الدىن الۋ شارالارى تۋرالى دا مالىمدەدى.
«قوردايدا بولعان بارلىق نارسە بەلگىلى, بۇل تۋرالى ايتىلدى. اشىق تۇردە تالقىلانىپ, كورسەتىلدى. ۇكىمەت جۇمىس ىستەدى», – دەدى اكىم. سونداي-اق بۇل ماسەلە تۇڭعىش پرەزيدەنت - ەلباسى ن. نازارباەۆتىڭ توراعالىعىمەن وتكەن قاۋىپسىزدىك كەڭەسىندە قارالعانىن دا اتاپ ءوتتى. قۇقىقتىق باعانى قۇقىق قورعاۋ جانە سوت ورگاندارى بەرەدى.
ء«بىزدىڭ قالاعا قاتىستى ايتار بولساق, ورىن العان وقيعالار تۋرالى اقپارات كەلگەندە, بارلىق قىزمەتتەر جۇمىلدىرىلدى. ياعني, قۇقىق قورعاۋ ورگاندارى مەن اكىمدىك قىزمەتتەرى», - دەدى ب. ساعىنتاەۆ.
قۇقىق قورعاۋ ورگاندارىنىڭ مالىمەتىنشە, الەۋمەتتىك جەلىلەردە دەسترۋكتيۆتى سيپاتتاعى ۇندەۋلەر بولعان. الماتىداعى بازارلاردىڭ يەلەرى مەن ديرەكتورلارىنا قىزمەتىن ۋاقىتشا توقتاتا تۇرۋ ۇسىنىسى ايتىلعان.
«بازارلاردىڭ نە ءۇشىن قورشالعانى تۋرالى سۇراقتار بولدى. ءبىز الدەبىرەۋلەرگە قاتىستى قۇقىق بۇزۋشىلىق فاكتىسىنىڭ ورىن الۋىنا جول بەرمەۋگە تىرىستىق. سوندىقتان قاۋىپسىزدىك شارالارى كۇشەيتىلدى, بازارلاردىڭ اۋماعى كۇزەتكە الىندى», - دەدى اكىم.