بۇگىن «ايالا» قايىرىمدىلىق قورى «كاسىبي باعدارلاۋ» جوباسى شەڭبەرىندە الماتى قالاسىنداعى №10 مەكتەپ-ينتەرناتتا ەكى شەبەرحانا اشتى. بۇل مەكتەپتە كۇنكورىسى تومەن جانە كوپبالالى وتباسىلاردىڭ بالالارى وقيدى. ەندى بۇل بالالاردىڭ «وريفلەيم» كومپانياسىنىڭ دەمەۋشىلىك تانىتۋىمەن ساتىپ الىنعان ەڭ وزىق تەحنولوگيالارمەن تىگىنشىلىك جانە اعاش شەبەرلىگىنىڭ تاماشا داعدىسىن يگەرۋگە مۇمكىندىگى بار.
№10 مەكتەپ-ينتەرناتتا تىگىن جانە اعاش شەبەرحاناسى 2016 جىلى «وريفلەيم» كومپانياسىنىڭ دەمەۋشىلىك كومەگىنىڭ ارقاسىندا پايدا بولعان ەدى. بىراق ول كەزدە قۇرالدار مەن ماتەريالدار از بولدى. سوندىقتان بالالار تىگىنشىلىك پەن اعاشپەن جۇمىس جۇرگىزۋدىڭ نەگىزگى داعدىلارىن عانا ۇيرەنە الدى. ەندى ولاردىڭ ەكى تولىقاندى شەبەرحاناسى بار, مۇندە ەندى كۇن سايىن 100-گە جۋىق ءجاسوسپىرىم وقۋدان وتەدى.
ءوز كەزەگىندە «وريفلەيم» قايىرىمدىلىق جوبالارىنىڭ باستى ماقساتى – بالالاردىڭ وقۋىنا جانە كاسىبي دايىندىقتان وتۋىنە كومەك بەرۋ, ويتكەنى العان ءبىلىمى ولاردىڭ بولاشاق بەرەكەلى ءومىرىنىڭ ىرگەتاسى بولىپ تابىلادى. «كوپ جىلدار بويى ءبىز بالالاردىڭ ءوز ارماندارىن ىسكە اسىرۋىنا كومەكتەسۋگە تىرىسىپ كەلەمىز جانە ءبىزدىڭ كومپانيانىڭ مۇنداي مۇمكىندىگىنىڭ بار ەكەنىن ماقتانىش تۇتامىز», – دەيدى «وريفلەيم» كومپانياسىنىڭ وكىلدەرى.
اعاش شەبەرحاناسىنا زاماناۋي شەبەر ۇستەل, «ۇشەۋى بىرگە» فۋنكتسياسى بار اعاش اراسى, بۇرعىلاۋ جانە قايراۋ ستانوكتارى, ەكى اجارلاعىش ماشينا, بىرنەشە ويۋ اراسى, بۇرعى, بۇراما شەگەنى بۇراعىش, شارقايراق, مەتالل جانە اعاش قول اراسى – جالپى 903 400 تەڭگە سوماعا بارلىعى 40-تان استام جابدىقتار ورناتىلعان. اعاش شەبەرحاناسىنداعى ساباقتاردى ۇلكەن جۇمىس تاجىريبەسى بار پەداگوگ ءادىل بەكبەرديەۆ جۇرگىزەدى. ونىڭ بالالاردى وقىتۋداعى جوسپارى ۇلكەن: ازىق-ت ۇلىك تۋرايتىن تاقتايلار, وتىرعىشتار, ۇستەلدەر جاساۋ, مەكتەپتىڭ اعاش جيھازىن جوندەۋ. قازىر مۇنىڭ بارلىعىن ساتىپ الۋعا نەمەسە تاپسىرىس بەرۋگە بولادى. بىراق, ءادىل جولداسباي ۇلى مۇنداي شەبەرحانا بالالاردىڭ وقۋدا نەعۇرلىم جيناقى جانە زەيىندى بولۋىنا كومەكتەسەدى دەپ سانايدى. سونداي-اق ەرەسەك ومىرگە پايدالى پراكتيكالىق داعدى الۋىنا كومەكتەسەدى, ولاردى جيھاز جيناۋعا, تۇرعىن ءۇي جوندەۋگە جانە بالكىم, بولاشاق كاسىبىندە قولدانۋعا مۇمكىندىك تۋادى.
بۇل پىكىرمەن جاڭارتىلعان تىگىن شەبەرحاناسىندا ساباق جۇرگىزەتىن پەداگوگ الماگۇل مۇستافينا دا كەلىسەدى. وسى ساباقتاردا جوعارعى سىنىپتا وقيتىن قىزدار تىگىن ماشيناسىندا قالاي قاۋىپسىز جانە دۇرىس جۇمىس ىستەۋگە بولاتىنىن, ماتانى قالاي دۇرىس تاڭداۋ كەرەكتىگىن بىلەدى.. «جاي كيىمدى نەمەسە توسەك اقجايماسىن ءوز بەتىنشە ءپىشىپ, تىگۋ, ماتانى نەمەسە كيىمدى ادەمى كەستەلەۋ, شالباردى, كويلەكتى, بەلدەمشەنى جوندەۋ نەمەسە قايىرىپ تىگۋ – وسىنداي كۇندەلىكتى ومىرگە قاجەتتى داعدىنى قىزدار ءبىزدىڭ جاڭا شەبەرحانادا ۇيرەنەدى. ال مۇنى زاماناۋي قاۋىپسىز جانە جايلى جابدىقتا جاساۋ بارىنە ۇنايدى جانە ىنتالاندىرا تۇسەدى», – دەدى الماگۇل سەيفۋللاقىزى.
بەس تىگىن ماشيناسى, ونىڭ ىشىندە ءبىر ونەركاسىپتىك, ءۇش جىپتىك تورلاعىش, بۋمەن جىبىتكىش, ۇلكەن ىڭعايلى پىشەتىن ۇستەل, ءۇش تىگىن مانەكەنى, ۇتىك, ۇتىكتەۋ تاقتاسى, جىپتەر, قايشىلار, ينەلەر جيىنى – بارلىعى 552 050 تەڭگە بولاتىن وسى تىگىن شەبەرحاناسى ءۇشىن جابدىقتاردىڭ تولىق جيىنتىعىن قۇرايدى.
«كاسىبي باعدارلاۋ» جوباسىن ىسكە اسىرۋدىڭ 6 جىلى ىشىندە ءبىزدىڭ قور 5 كۋرس ۇيىمداستىردى, 19 ارنايى شەبەرحانا اشتى, ونداعان تاماشا جانە ۇيرەتۋگە قۇشتار ادامداردى پەداگوگ جانە تالىمگەر رەتىندە تارتتى. ءبىز 5 بالانى شاشتارازدىققا, 20 وقۋشىنى – تىگىنشىلىككە وقىتتىق. 60 ءجاسوسپىرىم ءۇي جاعدايىندا قاراپايىم تاماق دايىنداۋ كۋرسىنان ءوتتى. جوعارى سىنىپتاردىڭ 30-دان استام وقۋشىلارى الەۋمەتتىك جەلىلەر ءۇشىن قىزىقتى بەينە-كونتەنت جاساۋدى ۇيرەندى. الماتىداعى 2 مەكتەپ-ينتەرناتتىڭ جانە وبلىستىق بالالار ءۇيىنىڭ 21 ءجاسوسپىرىمى وسى اپتادا ۆيزاج, نەيل-ستيليست, تد-جۇرگىزۋشىسى جانە جۋرناليست, سايت جاساۋ جانە اۆتوەلەكتريك كۋرستارىندا وقۋىن باستادى. بۇگىن ءبىز №10 مەكتەپ-ينتەرناتتا ەكى زاماناۋي جانە قاۋىپسىز شەبەرحانالاردىڭ جۇمىس ىستەي باستاعانىنا قاتتى قۋانىپ وتىرمىز. وسى جوباعا قولداۋ كورسەتكەن «وريفلەيم» كومپانياسىنا ۇلكەن العىسىمىزدى بىلدىرەمىز. بۇل شەبەرحانالارداعى ساباقتار كوپتەگەن جاسوسپىرىمدەردىڭ وزىنە جانە ءوز كۇشىنە سەنىمدى بولۋىنا كومەكتەسەتىنىنە, ال كەيبىرەۋلەرىنە بولاشاق كاسىبىنە جانە ءتىپتى ءوز ءىسىن باستاۋىنا جول اشاتىنىنا سەنىمدىمىز», دەدى «ايالا» قورىنىڭ پرەزيدەنتى ايدان سۇلەيمەنوۆا.