الماتى قالاسىنىڭ اكىمى باقىتجان ساعىنتاەۆ ەسەپتىك كەزدەسۋدە تۇرعىنداردىڭ دەنساۋلىق ساقتاۋ ۇيىمدارىنىڭ قادامدىق قولجەتىمدىلىگىن قامتاماسىز ەتۋ ءۇشىن قولدانىپ جاتقان شارالارى تۋرالى سۇراقتارىنا جاۋاپ بەردى.
«مەديتسينالىق قىزمەتتەر قادامدىق قولجەتىمدىلىكتە بولۋ كەرەك. بۇل ءار ىقشاماۋداندا 300-500 اۋىسىممەن قابىلدايتىن ءوز ەمحانالارى بولۋى ءتيىس دەگەندى بىلدىرمەيدى. بۇل مۇمكىن ەمەس. دەسە دە, نەگىزگى مەديتسينالىق قىزمەتتەر حالىققا جاقىن ءىرى قولجەتىمدى بولۋى ءتيىس», دەدى قالا اكىمى.
وسى تەكتەس جەرگىلىكتى مەديتسينالىق ۇيىمداردى تۇرعىن ۇيلەردىڭ ءبىرىنشى قاباتتارىنا ورنالاستىرۋعا بولادى. قالا اكىمى 2021 جىلعا دەيىن وسىنداي 39 مەديتسينالىق پۋنكتىڭ قۇرىلىسى جوسپارلانعانىن حابارلادى. مۇندا تۇرعىندار مەديتسينالىق قىزمەتتەر الا الادى. جانە اتالعان ورتالىقتاردا تاجىريبەلى دارىگەرلەر جۇمىس ىستەيتىن بولادى. ولار قاجەتتى مەديتسينالىق جابدىقتارمەن قامتاماسىز ەتىلەدى.
ايتا كەتۋ كەرەك, حالىقتىڭ رەسمي سانى 1,8 ملن-نان اسقان شاھاردىڭ ەمحانالارىنا 110 مىڭعا جۋىق پاتسيەنت تىركەلگەن.
مەديتسينالىق كومەكتىڭ قادامدىق قولجەتىمدىلىگىن قامتاماسىز ەتۋ ماقساتىندا 2019 جىلى 11 مەديتسينالىق ۇيىم اشىلدى. ونىڭ ىشىندەگى بىرەۋى تۇركسىب اۋدانىنا قاراستى التاي ىقشاماۋدانىندا سالىنعان. 2 دەنساۋلىق ساقتاۋ نىسانى – №2 قالالىق بالالار كلينيكالىق اۋرۋحاناسى جانىنداعى كونسۋلتاتيۆتىك-دياگنوستيكالىق ورتالىق جانە راديولوگيالىق كورپۋس سالىنىپ, پايدالانۋعا بەرىلدى. وتكەن جىلى 38 بىرلىك جەدەل جاردەم كولىكتەرى, 98 بىرلىك مەديتسينا قۇرىلعىسى ساتىپ الىنعان.
مەديتسينالىشش قىزمەتتەردىڭ ساپاسىن ارتتىرۋ ماقساتىندا قالانىڭ بارلىق مەديتسينالىق مەكەمەلەرىنىڭ ءاۋديتى جۇرگىزىلدى. مەديتسينالىق ۇيىمداردا 30 مىڭنان استام مەديتسينالىق قۇرال-جابدىقتار بار. ونىڭ 10,9 مىڭ جابدىعى ەسكىرگەن. وسىعان بايلانىستى ءاربىر مەديتسينالىق ۇيىم مەن اۋداندا مەديتسينالىق جابدىقتاردى جاڭارتۋ بويىنشا ءۇش جىلدىق جوسپار دايىندالدى. مىسالى, اعىمداعى جىلى 78 جەدەل جاردەم كولىكتەرىن ساتىپ الۋ جوسپارلانعان.