الماتى قالاسىنىڭ اكىمى باقىتجان ساعىنتاەۆ مەگاپوليس تۇرعىندارىمەن وتكەن ەسەپتىك كەزدەسۋدە گازداندىرۋ جۇمىستارى بويىنشا اتقارىلىپ جاتقان جۇمىستار تۋرالى حابارلادى.
سونداي-اق بىرقاتار اۋداندارداعى تۇرعىنداردىڭ ۇيلەرىن گازبەن قامتۋ تۋرالى سۇراقتارىنا جاۋاپ بەردى. اكىم اسىرەسە تۇركسىب اۋدانىندا وتكەن كەزدەسۋدە تۇرعىنداردىڭ گاز قۇبىرىنىڭ جوقتىعىنا شاعىمدانعانىن اتاپ ءوتتى. الاتاۋ اۋدانى بويىنشا ماگيسترالدى جەلىلەر جوق. ال ماگيسترالدى جەلىلەردى جۇرگىزۋ اياقتالسا, بۇرۋ جەلىلەرىنىڭ تاپشىلىعى سەبەبىنەن گازعا قوسىلۋ مۇمكىندىگى بولماي تۇر. گازداندىرۋ ءۇردىسى ەكولوگيا جانە اۋا تازالىعى ءۇشىن دە ماڭىزدى. سوندىقتان قالا اكىمدىگى جۇمىستىڭ وسى باعىتىنا قارقىن بەرۋدە.
قالا اكىمىنىڭ ايتۋىنشا, 2019 جىلدىڭ ەكىنشى جارتىجىلدىعىندا 3000-نان استام جەكە ءۇي گازداندىرىلدى. قالا اۋداندارىندا حالىقتىڭ الەۋمەتتىك وسال توپتارىن گاز جەلىلەرىنە قوسۋ – قالا ءۇشىن ەرەكشە ماسەلە. الاتاۋ جانە ناۋرىزباي اۋداندارىنداعى 210 ءۇيدىڭ 62 ءۇيىن گاز جۇيەسىنە قوسۋ جۇمىسى قالدى. ەكى اۋداندا دا مەردىگەر كومپانيالارمەن كەلىسىم-شارت جاسالعان. جۇمىستاردى 2020 جىلدىڭ 1 ساۋىرىنە دەيىن اياقتاۋ جوسپارلانعان.
سونىمەن قاتار قالا اكىمدىگى حالىق بانكىمەن بىرلەسىپ مەگاپوليس تۇرعىندارىنىڭ گازبەن جىلىتۋ جانە ءۇي ىشىلىك جابدىقتارعا قوسىلۋى ءۇشىن 0%-بەن نەسيە بەرۋ مۇمكىندىگى تۋرالى كەلىسىمگە قول جەتكىزدى. قازىرگى ۋاقىتتا نەسيە بەرۋ مەرزىمى قاراستىرىلۋدا. سونداي-اق حالىق بانكىنىڭ از قامتىلعان ازاماتتاردى گازعا جانە گازبەن جىلىتۋ ءۇشىن ءۇي ىشىلىك جابدىقتارعا وتەۋسىز نەگىزدە سۋبسيديالاۋى ماسەلەسى قاراستىرىلدى.
ب.ساعىنتاەۆ پروتسەنتسىز نەسيە ادامدارعا گازعا قوسىلۋعا قاراجات الۋعا مۇمكىندىك بەرەتىنىن اتاپ ءوتتى. ءوسىمپۇلسىز نەسيەنى 1جىلعا راسىمدەۋگە بولادى.
جالپى, قالا بويىنشا جەكە سەكتورداعى 2912 ءۇي گازداندىرىلماعان كۇيىندە قالىپ وتىر. ونىڭ ىشىندە 1791 ءۇي جەلىگە قول جەتكىزە السا, 1121 ءۇيدىڭ قوسىلۋ مۇمكىندىگى جوق. جەتكىزۋشىلەرمەن بىرگە قالعان 1121 ۇيگە سىرتقى جەلىلەردى جۇرگىزۋ بويىنشا جۇمىستار جۇرگىزىلۋدە.
ناۋرىزباي اۋدانى تۇرعىندارىنىڭ سۇراعىنا جاۋاپ بەرە وتىرىپ, قالا اكىمى ب. ساعىنتاەۆ ناقتى تاپسىرمالار بەردى. اتاپ ايتقاندا, ناۋرىزباي اۋدانىنىڭ اكىمى ەسەپ بەرۋ كەزدەسۋىنىڭ قورىتىندىسى بويىنشا اۋدان, اسىرەسە ىقشام اۋدانداردى ارالاپ شىعۋ تاپسىرىلدى. اسىرەسە, بۇل «شۇعىلا» ىقشام اۋدانىنا قاتىستى.