ەلوردانىڭ كاسىپكەرلەر پالاتاسى تۇرعىنداردىڭ الەۋمەتتىك وسال توپتارىنا جاتاتىن كاسىپكەرلىك سۋبەكتىلەرى اراسىندا كوشە ساۋداسى وبەكتىلەرىن ورنالاستىرۋ ءۇشىن جەر ۋچاسكەلەرىن ءبولۋ بويىنشا ۇسىنىستارىمەن بىرگە وتىنىشتەردى قابىلداۋدى باستايدى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.
رەگلامەنت بويىنشا حالىقتىڭ الەۋمەتتىك وسال توپتارىنا: ۇوس مۇگەدەكتەرى مەن قاتىسۋشىلارى جانە وعان تەڭەستىرىلگەن ادامدار 1,2 جانە 3 توپتاعى مۇگەدەكتەر, مۇگەدەك بالالارى بار نەمەسە تاربيەلەپ وتىرعان وتباسىلار, كامەلەت جاسىنا تولعانعا دەيىن اتا-انالارىنان ايىرىلعان 29 جاسقا تولماعان جەتىم بالالار مەن اتا-اناسىنىڭ قامقورلىعىنسىز قالعان بالالار جاتادى.
سونداي-اق بۇل توپقا «التىن القا» جانە «كۇمىس القا» يەگەرلەرى نەمەسە بۇرىن «باتىر انا» اتانعان, سونداي-اق I, II جانە III دارەجەلى «انا داڭقى» وردەندەرى مەن ماراپاتتالعان كوپبالالى انالار, مەملەكەتتى نەمەس قوعامدىق مىندەتتەردى, اسكەري قىزمەتتى ورىنداۋ كەزىندە, عارىش كەڭىستىگىنە ۇشۋدى دايىنداۋ نەمەسە جۇزەگە اسىرۋ كەزىندە, ادام ءومىرىن قۇتقارۋ كەزىندە, قۇقىق ءتارتىبىن قورعاۋ كەزىندە قازا تاپقان ادامداردىڭ وتباسىلارى, تولىق ەمەس وتباسىلار, از قامتىلعان وتباسىلار جاتادى.
رەگلامەنتكە سايكەس كۆوتا بويىنشا جەر ۋچاسكەلەرىن ءبولۋ ءراسىمى بىرنەشە كەزەڭنەن تۇرادى. باستاپقى كەزەڭدە كۆوتا بويىنشا ءبولۋ ءۇشىن بەرىلۋى ىقتيمال جەر ۋچاسكەلەرىن قالىپتاستىرۋ قاجەت. وسىعان بايلانىستى, حالىقتىڭ الەۋمەتتىك جاعىنان وسال توپتارىنا جاتاتىن نۇر-سۇلتان قالاسىنىڭ جەكە كاسىپكەرلەرىن ساۋدا نىسانىن ورناتۋدى جوسپارلاپ وتىرعان جەر ۋچاسكەلەرى بويىنشا (24 م2 اسپاۋ ءتيىس) ۇسىنىستار بەرۋى شارت. ۇسىنىستار ەركىن نىساندا جىبەرىلىپ, كەلەسى مالىمەتتەردى قامتۋى ءتيىس:
قۇرىلىستاردىڭ, وبەكتىلەردىڭ, كوشەلەر قيىلىستارىنا بايلانىستىرا وتىرىپ, جەر ۋچاسكەسىنىڭ ورنالاسقان جەرى نەمەسە ونىڭ ورنالاسقان جەرىن انىقتاۋعا مۇمكىندىك بەرەتىن باسقا دا مالىمەتتەر;
جەر ۋچاسكى سحەماسىن www.genplan.saulet.astana.kz سايتتانالۋعا نە باسقا ينتەرنەت رەسۋرستار;
كوشەلەردىڭ, وبەكتىلەردىڭ نەمەسە قۇرىلىستاردىڭقيىلىستارىنا بايلانىستىرىلعان جەر دەگى جەر ۋچاسكەسىنىڭ فوتوسۋرەتتەرى.
ازاماتتار كەلەسى قىزمەت تۇرلەرىمەن اينالىسا الادى: ستاتسيونارلى ەمەس ساۋدا-ساتتىق, دايىن ونىمدەردى ساتۋ, گۇل پاۆيلوندارى, تاماق ونىمدەرىن ساتۋ, تەحنيكالىق سەرۆيستەر وبەكتىسى, گازەت دۇڭگىرشەگى, كادەسىي ونىمدەرىن ساتۋ, تۇرمىستىق قىزمەت كورسەتۋ نىسانى, بالالاردىڭ بوس ۋاقىتىن ۇيىمداستىرۋ, جالعا بەرۋ پۋنكتىلەرى.
وتىنىمدەر 12 اقپاننان 13 ناۋرىزعا دەيىن مىنا مەكەنجاي بويىنشا قابىلدانادى:
رەسپۋبليكا داڭعىلى, 24, «پاراسات» بو, 2 قابات, كاسىپكەرلەردىڭ قۇقىقتارىن قورعاۋ جانە اكىمشىلىك كەدەرگىلەردى ازايتۋ ءبولىمى. جۇمىس ۋاقىتى ساعات 9:00-دەن 18:30-عا دەيىن. بايلانىس تەلەفونى: 8(7172) 91-90-84, d.mustafina@atameken.kz.