ماڭعىستاۋدا «قازازوت» اق ەڭبەك ۇجىمى قىزمەتكەرلەرىنە جاڭا كونستيتۋتسيا نەگىزدەرىن ءتۇسىندىرۋ ماقساتىندا جيىن ءوتتى, دەپ حابارلايدى Egemen.kz.
كەزدەسۋگە قازاقستان جازۋشىلار وداعى ماڭعىستاۋ وبلىستىق فيليالىنىڭ ديرەكتورى انار شامشادينوۆا, ماڭعىستاۋ وبلىستىق ءماسليحاتىنىڭ دەپۋتاتى ۋايس ەرسايىن ۇلى, ماڭعىستاۋ وبلىستىق ءماسليحاتىنىڭ كاسىپورىن قىزمەتكەرلەرى قاتىستى.
جاڭا كونستيتۋتسيا جوباسى بويىنشا رەفەرەندۋمدا قانشا ادام داۋىس بەرە الادى؟
جيىندا كونستيتۋتسياعا ەنگىزىلگەن جاڭاشىل وزگەرىستەر مەن تولىقتىرۋلار كەڭىنەن تالقىلانىپ, قۇجاتتا ايقىندالعان نەگىزگى باعىتتار مەن باستى قاعيداتتارعا ەرەكشە نازار اۋدارىلدى. سونداي-اق جۇزەگە اسىرىلىپ جاتقان رەفورمالاردىڭ مەملەكەت پەن قوعام دامۋىنا ىقپالى ءسوز بولدى. وسى جۇمىستاردى جۇيەلى تۇردە ۇيىمداستىرۋ ءۇشىن وڭىرلىك كواليتسيا قۇرىلىپ, ءوز قىزمەتىن باستاعانى حابارلاندى.
«اۋىل» پارتياسى اباي وبلىستىق فيليالى الداعى رەفەرەندۋمدى قولدايتىنىن ءبىلدىردى
كەزدەسۋ بارىسىندا رەفەرەندۋمنىڭ 15 ناۋرىز كۇنى وتەتىنى جانە ەل بولاشاعى ءۇشىن ماڭىزدىلىعى اتاپ ءوتىلدى. سونىمەن قاتار, قازاقستاننىڭ ءاربىر ازاماتىنىڭ داۋىس بەرۋگە زاڭدى قۇقىعى بار ەكەنى ايتىلدى.
جيىن سوڭىندا «قازازوت» اق باس ينجەنەرىنىڭ ورىنباسارى ءداۋىرجان جۇمابەكوۆ كاسىپورىن ۇجىمى رەفەرەندۋمعا بەلسەندى قاتىساتىنىن اتاپ ءوتتى.
رەفەرەندۋمنىڭ كۇنتىزبەلىك جوسپارى بەكىتىلدى: داۋىس بەرۋ 15 ناۋرىزدا وتەدى
«قازىرگى تاڭدا جاڭا كونستيتۋتسياعا ەنگىزىلگەن وزگەرىستەر ەلىمىزدىڭ بولاشاعىنا زور ۇلەس بەرەدى. پارلامەنتتىڭ قۇرىلتاي بوپ وزگەرۋى دە وڭ شەشىم دەپ ەسەپتەيمىن. ەلدەگى بارلىق ماسەلەلەر وسى قۇرىلتاي بارىسىندا شەشىمىن تاپقان. سونداي-اق جاڭا كونستيتۋتسيادا تەك شيكىزاتقا بايلانىستى ەمەس, ادامي فاكتوردىڭ, ياعني ولاردىڭ ءبىلىم الۋى مەن دامۋىنا كوپ اسەرىن تيگىزەتىنىنە كامىل سەنەمىن. وسى رەتتە «قازازوت» اكتسيونەرلىك قوعامىنىڭ قىزمەتكەرلەرى رەفەرەندۋمعا بەلسەندى قاتىسادى», دەدى ءداۋىرجان جۇمابەكوۆ.