مەملەكەت باسشىسىنىڭ ترانزيتتىك تاسىمالدى 55 ملن تونناعا دەيىن جەتكىزۋ جونىندەگى تاپسىرماسىن ورىنداۋ شەڭبەرىندە كولىك ۆەدومستۆوسى باسشىسى وزبەكستاننىڭ كولىك مينيسترىمەن كەزدەسۋ وتكىزدى, دەپ جازادى Egemen.kz.
تاراپتار تەمىرجول سالاسىنداعى ىنتىماقتاستىقتى كەڭەيتۋ, وتكىزۋ قابىلەتىن ارتتىرۋ جانە لوگيستيكالىق باعىتتاردىڭ تيىمدىلىگىن كوتەرۋ ماسەلەلەرىن تالقىلادى.
كەزدەسۋدە قازاقستان مەن وزبەكستان اراسىنداعى تەمىرجول قاتىناسىنىڭ ستراتەگيالىق ماڭىزى اتاپ ءوتىلدى. بۇل باعىت ەكىجاقتى ساۋدا-ەكونوميكالىق بايلانىستاردى نىعايتىپ قانا قويماي, حالىقارالىق ترانزيت پەن وڭىرلىك كولىك ىقپالداستىعىن دامىتۋدا شەشۋشى ءرول اتقارىپ وتىر.
ساراپشى: قازاقستان وزبەكستانعا قاراعاندا دايىن ءونىمدى كوبىرەك وندىرەدى
2025 جىلدىڭ قورىتىندىسى بويىنشا ەكى ەل اراسىنداعى تەمىرجول تاسىمالى 32,3 ملن توننانى قۇرادى. بۇل – 2024 جىلمەن سالىستىرعاندا 16 %-عا ارتىق كورسەتكىش. تۇراقتى ءوسىمدى ساقتاۋ ءۇشىن تاراپتار بىرلەسكەن ءىس-شارالار جوسپارىن ازىرلەدى. قۇجاتتا سارىاعاش, وازيس جانە سىرداريا تۇيىسپەلەرىندەگى ينفراقۇرىلىمدى جاڭعىرتۋ, سونىڭ ىشىندە داربازا-ماقتارال ۋچاسكەسىندەگى نەگىزگى جوبالاردى اياقتاۋ كوزدەلگەن.
قازىر سارىاعاش تۇيىسپەسى ارقىلى تاۋلىگىنە 36 جۇپ پويىز وتەدى, ال مەجەلى كورسەتكىش – 40 جۇپ. وازيس ارقىلى تاۋلىگىنە 2 جۇپ پويىز جۇرسە, بولاشاقتا بۇل سان 10 جۇپقا دەيىن ۇلعايتىلماق. سىرداريا باعىتىندا داربازا–ماقتارال ۋچاسكەسى ىسكە قوسىلعاننان كەيىن تاۋلىگىنە 10 جۇپ پويىز وتكىزۋ جوسپارلانىپ وتىر.
كەڭەس بارىسىندا ينفراقۇرىلىمدىق جانە جوندەۋ جۇمىستارىن ۇيلەستىرۋ, باقىلاۋ راسىمدەرىن جەتىلدىرۋ, تەحنولوگيالىق ىقپالداستىقتى وڭتايلاندىرۋ جانە تاسىمال ۇدەرىسىنىڭ تيىمدىلىگىن ارتتىرۋ ماسەلەلەرى دە قارالدى.
سىرداريادا ون گيدروبەكەت ورناتىلادى: قازاقستان مەن وزبەكستان سۋدى قالاي بولىسپەك؟
كەزدەسۋ قورىتىندىسىندا تاراپتار سەرىكتەستىكتى ودان ءارى كەڭەيتۋگە جانە جۇك اينالىمىن كەزەڭ-كەزەڭىمەن ۇلعايتۋعا ءوزارا مۇددەلى ەكەنىن راستادى. تەمىرجول ينفراقۇرىلىمىن جاڭعىرتۋ مەن وتكىزۋ قابىلەتىن ارتتىرۋ وڭىرلىك ترانزيتتىك توراپتاعى قازاقستاننىڭ ورنىن بەكەمدەي تۇسپەك.
وزبەكستاننان قازاقستانعا كوشۋ قارقىنى جيىلەدى