2026 جىلى الەمدەگى ءىرى تەحنولوگيالىق كورپوراتسيالار جاساندى ينتەللەكتىنى دامىتۋعا باعىتتالعان ينۆەستيتسيا كولەمىن كۇرت ارتتىردى. جي-ينفراقۇرىلىم مەن ازىرلەمەلەرگە جۇمسالعان جيىنتىق شىعىن 700 ملرد دوللارعا جەتىپ, رەكوردتىق دەڭگەيگە شىقتى. بۇل قادام جاھاندىق تەحنولوگيا نارىعىنداعى باسەكەنى جاڭا كەزەڭگە شىعاردى, دەپ جازادى Egemen.kz.
نەگىزگى قاراجات دەرەكتەر ورتالىقتارىن سالۋعا, جوعارى ءونىمدى چيپتەردى ساتىپ الۋعا جانە كومپانيالاردىڭ ءوز جي-مودەلدەرىن دامىتۋعا باعىتتالىپ وتىر. الايدا مۇنداي اۋقىمدى ينۆەستيتسيالار كورپوراتسيالاردىڭ قارجىلىق كورسەتكىشتەرىنە سالماق ءتۇسىرىپ جاتىر. قارجىلىق ەسەپتەرگە سايكەس, Google كومپانياسىنىڭ ەركىن اقشالاي اعىنى 90%-عا قىسقارعان. ال Amazon كاپيتالدىق شىعىنداردى وتەۋ ءۇشىن قوسىمشا قارجى تارتىپ, قارىز جۇكتەمەسىن ۇلعايتقان.
يلون ماسك: بولاشاقتا ءار ادامنىڭ جەكە روبوتى بولادى
ساراپشىلاردىڭ ايتۋىنشا, تەحنولوگيالىق الپاۋىتتار قازىرگى تابىسىنىڭ باسىم بولىگىن جي باعىتىنا قايتا ينۆەستيتسيالاپ وتىر. كومپانيالار بۇل ستراتەگيانى ۇزاق مەرزىمدى تيىمدىلىك بەرەدى دەگەن ەسەپپەن تاڭداعان. ياعني بۇگىنگى قارجىلىق قىسىم بولاشاقتاعى ءوسىم ەسەبىنەن وتەلۋى ءتيىس.
دەسە دە, ساراپشىلار مۇنداي ءتاسىلدىڭ قاتەرى جوعارى ەكەنىن ەسكەرتەدى. ەگەر شىعىندار قازىرگى قارقىنمەن جالعاسا بەرسە, كورپوراتسيالارعا قوسىمشا قارجىلاندىرۋ تارتۋعا نەمەسە ينۆەستيتسيالىق جوسپارلارىن قايتا قاراۋعا تۋرا كەلۋى مۇمكىن.
جاساندى ينتەللەكت وتاندىق ونەركاسىپتى قالاي وزگەرتەدى؟
سونىمەن قاتار سالا وكىلدەرى جاساندى ينتەللەكتىنى بولاشاق ەكونوميكالىق ءوسىمنىڭ باستى قوزعاۋشى كۇشى دەپ باعالايدى. ولاردىڭ پىكىرىنشە, جي ۋاقىت وتە كەلە بۇگىنگى شىعىنداردى وتەپ قانا قويماي, تابىستىڭ جاڭا كوزدەرىن قالىپتاستىرۋى ىقتيمال.
ادام & جاساندى ينتەللەكت: دۋەت پە, دۋەل مە؟
قازىر نارىق جي باعىتىنداعى اگرەسسيۆتى كەڭەيۋ مەن اقشالاي اعىنداردىڭ تۇراقتىلىعى اراسىنداعى تەپە-تەڭدىكتى ءجىتى باقىلاپ وتىر. الداعى جىلدارى تەحنولوگيا سەكتورىنداعى ءىرى ويىنشىلاردىڭ قارجىلىق تۇراقتىلىعى ءدال وسى تەڭگەرىمگە بايلانىستى بولماق.