«وتباسى بانك» سالىمشىلارىنا تيەسىلى مەملەكەتتىك سىيلىقاقى بيىل دا تولىق كولەمدە تولەنبەك. قارجى ۆيتسە-ءمينيسترى داۋرەن تەمىربەكوۆ مەملەكەتتىڭ بۇل باعىتتاعى بارلىق مىندەتتەمەلەرى وزگەرىسسىز ورىندالاتىنىن راستادى. بيۋدجەت قاراجاتى ەسەبىنەن بولىنەتىن ۇستەمە قارجى سالىمشىلاردىڭ شوتتارىنا بيىلعى جىلدىڭ 1 ناۋرىزىندا اۋدارىلادى, دەپ حابارلايدى Egemen.kz.
سىيلىقاقى مولشەرى – جيناقتالعان سومانىڭ 20%-ىن قۇرايدى. الايدا ەسەپتەۋ 200 ايلىق ەسەپتىك كورسەتكىشكە (اەك) دەيىنگى سوماعا عانا جۇرگىزىلەدى. ەگەر ودان كوپ قاراجات جينالسا, ارتىق بولىگىنە ۇستەمە ەسەپتەلمەيدى.
مىسالى, وتكەن جىلى سالىمشى 786 400 تەڭگە (200 اەك) جيناسا, وعان 157 280 تەڭگە كولەمىندە مەملەكەتتىك سىيلىقاقى ەسەپتەلەدى.
«وتباسى بانك» زەينەتاقى قارجىسىنا كوز ەمدەۋگە تىيىم سالدى
سىيلىاقى الۋدىڭ نەگىزگى شارتتارى:
ەگەر 200 اەك-تەن از جيناساڭىز, 20% تەك ناقتى جينالعان سوماعا ەسەپتەلەدى;
جىل بويى دەپوزيت تولىقتىرىلماعان جاعدايدا سىيلىقاقى بەرىلمەيدى;
ءبىر ادامنىڭ بىرنەشە دەپوزيتى بولسا, سىيلىقاقى تەك ءبىر عانا شوتقا اۋدارىلادى.
دەپوزيت تۇراقتى تۇردە تولىقتىرىلىپ وتىرسا, باعالاۋ كورسەتكىشى (بك) وسەدى. ال بۇل كورسەتكىش نەعۇرلىم جوعارى بولسا, سالىمشىنىڭ جىلدىق مولشەرلەمەسى 3,5-5% ارالىعىنداعى تۇرعىن ءۇي قارىزىنا قول جەتكىزۋ مۇمكىندىگى سوعۇرلىم ارتادى. بىراق مۇنداي نەسيە الۋ ءۇشىن دەپوزيت مەرزىمى كەمىندە 3 جىل بولۋى كەرەك.
وبليگاتسيا الدە دەپوزيت: جيناقتى قايدا ساقتاعان ءتيىمدى؟
ايتا كەتەيىك, بۇعان دەيىن بيۋدجەتكە تۇسەتىن جۇكتەمەنى ازايتۋ ءۇشىن مەملەكەتتىك سىيلىقاقىنى بانكتىڭ وزىنە تولەۋ ۇسىنىلعان ەدى. الايدا كەيىن بۇل باستامادان باس تارتىلدى.