ۇكىمەت 2029 جىلعا قاراي 400 ملرد دوللار جيىنتىق ينۆەستيتسيا تارتۋ ارقىلى ەكونوميكالىق ءوسۋدىڭ جاڭا مودەلىنە كوشۋدى قامتاماسىز ەتەدى. بۇل تۋرالى ۇكىمەت وتىرىسىندا پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين باياندادى, دەپ جازادى Egemen.kz.
قاسىم-جومارت توقاەۆ: الاتاۋ قالاسى جاڭا ينۆەستيتسيالىق كەزەڭنىڭ نەگىزگى جوباسى بولۋعا ءتيىس
بۇگىندە مەملەكەت ينۆەستور شاقىرۋمەن عانا شەكتەلمەي, ەكونوميكالىق ءوسۋدىڭ پرواكتيۆتى ساياساتىن ەنگىزۋگە كوشتى. ەندىگى كەزەكتە ۇكىمەت جەرگىلىكتى بيزنەستىڭ سۇرانىسىنا ساي «ينۆەستيتسياعا تاپسىرىس» قالىپتاستىرىپ, جاڭا وندىرىستەردى ورىستەتۋ ءۇشىن دايىن تەحنولوگيالارى بار شەتەلدىك سەرىكتەستەردى تارتۋدى قولعا الادى. «بۇل ساياساتتىڭ ءمانى – مەملەكەتتىڭ تەك ينۆەستورلاردى شاقىرۋىمەن عانا شەكتەلەتىن مودەلدەن ناقتى ينۆەستيتسيالىق جوبالاردى قالىپتاستىرۋ مەن ىسكە قوسۋعا مەملەكەتتىڭ بەلسەندى قاتىسۋى مودەلىنە كوشۋ. ينۆەستيتسيا تارتۋدىڭ بۇل ءتاسىلى ەكونوميكا سالالارىنىڭ ناقتى قاجەتتىلىكتەرىنە باعىتتالعان. اتالعان جوبالاردى جۇزەگە اسىرۋ ەلدەگى ەڭبەك ونىمدىلىگىنىڭ ورتاشا دەڭگەيىن ارتتىرادى, بۇل «ورتا تابىس تۇزاعىن» ەڭسەرۋ جانە جان باسىنا شاققانداعى جالپى ىشكى ءونىمنىڭ ودان ءارى ءوسۋ ءۇشىن قاجەت نەگىزگى شارتتاردىڭ ءبىرى», دەدى سەرىك جۇمانعارين.جاڭا وندىرىستىك نىساندارعا قانشا ينۆەستيتسيا تارتىلادى؟