بۇل تۋرالى الماتى قالاسى اكىمدىگىنىڭ ءباسپاسوز ورتالىعىندا وتكەن جيىندا مەدەۋ اۋدانىنىڭ اكىمى سۇلتانبەك ماكەجانوۆ مالىمدەدى.
ەستە بولسا, وتكەن جىلدىڭ 5 شىلدەسىندە وتكەن كوشپەلى جينالىستا قالا اكىمى باقىتجان ساعىنتاەۆ اۋدان باسشىلارىنا قالاداعى ورتاشا جوندەۋدەن وتكەن جولداردىڭ سانىن ارتتىرۋدى تاپسىرعان ەدى.وسى ماقساتتا اعىمداعى جىلى مەدەۋ اۋدانىندا جولداردى كۇردەلى جوندەۋدەن وتكىزۋ جوسپارلانۋدا.
«وتكەن جىلى بارلىق 59 جولدى كۇردەلى جوندەۋدەن وتكىزۋگە قارجى ءبولىندى. بۇل جوبا تۇرعىندارمەن بىرنەشە رەت تالقىلاندى. ءبىز مامىر, ماۋسىمعا دەيىن وڭ مەملەكەتتىك ساراپتاما الىپ, جازدا تولىق اسفالتتاۋ قاراستىرىلعان جەرلەردە كۇردەلى جوندەۋ جۇمىستارىن باستايمىز دەپ بولجايمىز», دەدى سۇلتانبەك ماكەجانوۆ.
بۇدان وزگە, ول جولداردى كۇردەلى جوندەۋدەن وتكىزۋگە باقىلاۋ جاساۋ اۋدان تۇرعىندارىمەن بىرگە جۇرگىزىلەتىنىن اتاپ ءوتتى.بۇگىندە اتالعان ماسەلەنى تولىق شەشۋ ماقساتىندا قالالىق موبيلدىك باسقارماسىمەن وسى كوشەلەردى كۇردەلى جوندەۋ جانە اباتتاندىرۋ جوباسى ازىرلەنۋدە.