بۇل تۋرالى الماتى قالاسى اكىمدىگىنىڭ ءباسپاسوز ورتالىعىندا وتكەن باسقوسۋدا قالالىق تۇرعىن ءۇي ساياساتى باسقارماسى باسشىسىنىڭ ورىنباسارى مەيىرجان وتىنشيەۆ مالىمدەدى.
وتىنشيەۆتىڭ ايتۋىنشا, بۇگىنگى تاڭدا 25,5 مىڭ الماتىلىق تۇرعىن ءۇي الۋ كەزەگىندە تۇر. ونىڭ ىشىندە 10 مىڭعا جۋىعى بيۋدجەتتىك ۇيىمداردىڭ قىزمەتكەرلەرى بولسا, 11,8 مىڭنان استامى حالىقتىڭ الەۋمەتتىك وسال توپتارىنىڭ ساناتىنا جاتادى.
«2019 جىلى تۇرعىن ۇيگە مۇقتاج 2913 جانعا پاتەر ءبولىندى. ايتا كەتۋ كەرەك, پاتەرلەردىڭ 64%-ى «نۇرلى جەر» باعدارلاماسىمەن, ياعني باسپاناسى جوق ازاماتتاردى قولجەتىمدى تۇرعىن ۇيمەن قامتاماسىز ەتۋگە باعىتتالعان جەڭىلدەتىلگەن نەسيەلەندىرۋ باعدارلاماسى اياسىندا بەرىلدى», – دەدى مەيىرجان وتىنشيەۆ. سونىڭ ىشىندە جۇمىس ىستەيتىن جاستارعا 1050 پاتەر جالعا بەرىلگەن. اعىمداعى جىلى دا بۇل ءۇردىس جالعاسىن تاپپاق.
رەسپۋبليكالىق «باقىتتى وتباسى» باعدارلاماسى بويىنشا 121 كوپبالالى وتباسى, 96 تولىق ەمەس وتباسى جانە 29 مۇگەدەك بالا تاربيەلەپ وتىرعان شاڭىراققا 246 قارىز بەرىلگەن.
سونداي-اق, وتكەن جىلى 284 كوپبالالى وتباسى قالالىق «باقىتتى وتباسى» باعدارلاماسى اياسىندا تۇرعىن ءۇي سەرتيفيكاتىنا يە بولىپ, باسپاناعا قول جەتكىزىپتى.
بۇگىندە كورسەتىلەتىن قىزمەتتەردىڭ ساپاسىن ارتتىرۋ جانە بيزنەس-پروتسەستەردى وڭتايلاندىرۋ, سونداي-اق سىبايلاس جەمقورلىقتى بولدىرماۋ جانە اشىقتىقتى قامتاماسىز ەتۋ ماقساتىندا تۇرعىن ءۇي كەزەگىندە تۇرعانداردى ەسەپكە الۋدىڭ رەسپۋبليكالىق بىرىڭعاي ۇلتتىق جۇيەسى قۇرىلدى.
وسى جۇيەگە سايكەس, كەزەك تولىعىمەن ەلەكتروندىق ۇكىمەت (e-gov) پورتالىنا اۋىستىرىلدى. ەتسق-سى بار ادامدار كەزەگىن كۇن سايىن قاراپ, كەزەك قوزعالىسىنىڭ ديناميكاسىن كورىپ وتىرا الادى.
بۇعان قوسا تۇرعىن ءۇيدى ءبولۋ جونىندەگى تۇراقتى كوميسسيا جۇمىس ىستەيدى. ونىڭ قۇرامىنا ازاماتتىق قوعام, قوعامدىق كەڭەس, باق وكىلدەرى كىرەدى.
بريفينگتى قورىتىندىلاعان مەيىرجان وتىنشيەۆ بۇگىندە تۇرعىن ءۇي الۋعا كەزەككە تۇرعان مەزەتتەن باستاپ پاتەر بەرىلگەنگە دەيىنگى مەرزىمنىڭ اقپاراتتاندىرىلۋى تولىعىمەن اياقتالعانىن حابارلادى.