جەر اياعى ءجىبىپ, كۇن جىلىنا باستاعاندا ءورت قاۋپى دە كۇشەيە تۇسەتىنى بەلگىلى. قالادا قىزىل جالىننان بولەك گازدان ۋلانۋ دەرەكتەرى دە از ەمەس. ارنايى جۇرگىزىلگەن ساراپتاما شاھارداعى جەكە سەكتور تۇرعىندارىنىڭ كوپشىلىگى قاراپايىم ساقتانۋ شارالارىن بىلمەيتىنىن كورسەتكەن.
وسى ورايدا 50-گە تارتا الماتىلىق ۆولونتەر ماماندارمەن بىرىگە وتىرىپ, ناۋرىزباي مەن تۇركسىب اۋداندارىندا ءتۇسىندىرۋ جۇمىستارىن جۇرگىزدى.
شارادا توتەنشەلىكتەر اۋدانداعى كومىر پايدالاناتىن ۇيلەرگە, ىشىمدىككە بەيىم جاندارعا جانە الەۋمەتتىك از قامتىلعان وتباسىلارعا كىرىپ, ورتتەن ساقتانۋ شارالارىن ءتۇسىندىردى. مامانداردىڭ سوزىنشە, كوبىنە ىشىمدىك ءىشىپ, پەشتى جاعىپ ۇيىقتاپ قالاتىندار ىسقا ۋلانىپ قالادى ەكەن. سوندىقتان مۇنداي شارانى ءجيى ۇيىمداستىرعان ابزال. ەرىكتىلەردىڭ دە وسىنداي جۇمىسقا ەرىكتى تۇردە جۇمىلعانى دۇرىس دەيدى.
– ۆولونتەرلار شاراعا بەلسەندى تۇردە قاتىسادى. ناۋرىزباي اۋدانىندا 23 710 جەكە تۇرعىن ءۇي ورنالاسقان. ونىڭ ءىشىندى 1600-ءى قاتتى وتىن جاعاتىن تۇرعىن ۇيلەر. سول سەبەپتەن اتالعان اۋداندا گازدان ۋلانۋ سەبەپتەرى كوپ انىقتالۋدا. سول ۇيلەرگە بارىپ, تۇسىندىرمە جۇمىستارىن, ءورت قاۋىپسىزدىگىن ساقتاۋ تۋرالى ۇگىت ناسيحات, ءتۇسىندىرۋ پاراقشالارى تاراتىلدى, – دەيدى ناۋرىزباي اۋداندىق تج ءبولىمىنىڭ ينجەنەرى الىشەر دۋبەكوۆ.