كوروناۆيرۋستىڭ جاڭا تۇرىنەن قازا بولعانداردىڭ سانى 8 اقپانداعى تاڭعى ۋاقىت كورسەتكىشى بويىنشا 724 ادامعا دەيىن ءوستى, ونى جۇقتىرعانداردىڭ سانى 34,8 مىڭنان اسادى, ساۋىعىپ كەتكەندەر 2050. بۇل تۋرالى South China Morning Post حابارلادى.
وسىلايشا, قۇرباندار سانى ءبىر تاۋلىك ىشىندە 88 ادامعا كوبەيگەن. ونىڭ الدىندا 636 ادام قايتىس بولعانى جانە 31,1 مىڭى جۇقتىرعانى تۋرالى رەسمي اقپارات حابارلانعان بولاتىن.
قايتىس بولعاندار مەن اۋرۋعا شالدىققانداردىڭ كوبى ۋحان قالاسىندا (حۋبەي پروۆينتسياسى) تىركەلگەن, وندا كوروناۆيرۋس 2019-nCoV تارالۋ وشاعى ورنالاسقان. قىتايدىڭ باسقا دا پروۆينتسيالارىندا تاعى بىرنەشە ادام قازا بولدى.قىتاي عالىمدارى جاڭا كوروناۆيرۋستىڭ تاسىمالداۋشىسى بولۋى مۇمكىن اعزانى اتادى. بۇل تۋرالى Daily Mail جازدى. ولاردىڭ مالىمەتىنشە, بۇل پانگولين - قابىرشاعى قىتاي حالىق مەديتسيناسىندا ءجيى قولدانىلاتىن جانۋار, ال ەتىن قىتاي مەن ۆەتنامدا جەيدى.