نۇر-سۇلتان قالاسىنىڭ ينۆەستيتسيالار جانە كاسىپكەرلىكتى دامىتۋ باسقارماسىنىڭ مالىمەتىنە سايكەس وتاندىق تاۋار وندىرۋشىلەردى جەڭىلدەتىلگەن نەسيەمەن قامتاماسىز ەتۋ ماقساتىندا «قاراپايىم زاتتار ەكونوميكاسى» رەسپۋبليكالىق باعدارلاماسىنا 600 ميلليارد تەڭگە ءبولىندى, دەپ حابارلايدى قالا اكىمدىگىنىڭ رەسمي سايتى.
اتالمىش قاراجات «حالىق بانك» اق, «First Heartland Jusan Bank» اق, «سبەربانك» ەب» اق, «بانك تسەنتر كرەديت» اق, «اتف بانك» اق, «Forte Bank» اق, «ەۋرازيالىق بانك» اق, «Bank RBK» اق, «نۇربانك» اق سياقتى ەكىنشى دەڭگەيلى بانكتەردە شوعىرلاندىرىلعان.
نەسيەلەر 6% مولشەرلەمەسىمەن سىياقى مولشەرلەمەسىنىڭ بولىگىن «دامۋ» كدق» اق سۋبسيديالاۋ ارقىلى 10 جىلعا دەيىنگى مەرزىمگە بەرىلەدى. نەسيەلەردى قولدانۋ ماقساتتارى – ينۆەستيتسياعا 50%-دان كەم ەمەس, اينالىمداعى قاراجاتتاردى تولتىرۋعا 50%-دان ارتىق ەمەس بولۋى شارت.
باعدارلاماعا ءبىلىم بەرۋ وبەكتىلەرىنىڭ قۇرىلىسى, كولىك قۇرالدارىن, قۇرىلىس ماتەريالدارىن, ازىق-ت ۇلىك تاۋارلارىن, توقىما زاتتارىن, قاعازدان جاسالعان بۇيىمدار مەن قاپتامالاردى, ەلەكترونيكا, جيھاز, تۇرمىستىق حيميانى وندىرەتىن كاسىپكەرلەر قاتىسا الادى.
سونىمەن بىرگە باعدارلامانى جۇزەگە اسىرۋ شەڭبەرىندە وڭىرلىك كاسىپكەرلەر پالاتاسىنىڭ الاڭىندا تۇراقتى نەگىزدە كونسۋلتاتسيالىق قىزمەت كورسەتىلەتىن جوبالىق كەڭسە قۇرىلدى. قازىرگى كەزدە جوبالىق كەڭسەنىڭ جۇمىسىندا 22 ميلليارد تەڭگەگە جۋىق سومادا 33 جوبا بار, سونىڭ ىشىندە 11,5 ميلليارد تەڭگە سوماسىنداعى 15 جوبا ماقۇلداندى, جالپى سوماسى 3,5 ميلليارد تەڭگە بولاتىن 7 جوبا بانكتەردە قاراستىرىلۋدا.
بيزنەس-جوبالاردى دايىنداۋ بارىسىندا 6,8 ميلليارد تەڭگە 11 جوباعا ءبولىندى.