ءال-فارابي اتىنداعى قازۇۋ رەكتورى اكادەميك عالىم مۇتانوۆ عىلىمعا سىڭىرگەن ايشىقتى ەڭبەگى مەن ءبىلىم بەرۋ سالاسىنداعى حالىقارالىق قاتىناستى دامىتۋعا قوسقان ۇلەسى ءۇشىن تۇركيا رەسپۋبليكاسىنىڭ جوعارى مەملەكەتتىك ناگراداسىنا يە بولدى. تۇركيا پارلامەنتىنىڭ دەپۋتاتى مەتين گيۋندوگدۋ الماتىدا وتكەن ءال-ءفارابيدىڭ 1150 جىلدىق مەرەيتويىنىڭ اشىلۋ سالتاناتىندا وسى جاڭالىقتى سۇيىنشىلەي جەتكىزدى.
سالتاناتتى شارادا ءسوز العان تۇركيالىق دەپۋتات اكادەميك عالىم مۇتانوۆتىڭ ەجەلدەن باۋىرلاس ەل سانالاتىن قازاقستان مەن تۇركيانىڭ عىلىم جانە ءبىلىم بەرۋ ىسىندەگى ارىپتەستىك الەۋەتىن كوتەرۋدە زور ەڭبەك سىڭىرگەنىن, ەكى ەلدىڭ دوستىق قارىم-قاتىناسىنىڭ نىعايۋىنا دانەكەر بولعانىن ايتتى.
«اكادەميك عالىم مۇتانوۆتى ءبىز كورنەكتى عالىم رەتىندە بىلەمىز. ونىڭ جەتەكشىلىگىمەن ۇلى ءال-فارابي ەسىمىن يەلەنگەن قازاق ۇلتتىق ۋنيۆەرسيتەتى تۇركى الەمىنىڭ ۇزدىك ۋنيۆەرسيتەتى بولىپ تانىلدى. قازاق دالاسىنىڭ جانە تۇركى الەمىنىڭ تۋماسى, ادامزاتتىڭ عۇلاما ويشىلى ءال-فارابي مۇرالارىن جانە ىزگى يدەيالارىن ساقتاپ, جاڭعىرتۋداعى قازۇۋ-دىڭ ورنىن ەرەكشە اتاپ وتكىم كەلەدى», دەدى مەتين گيۋندوگدۋ.
ايتۋلى ماراپات عالىمعا الداعى ۋاقىتتا انكاراداعى تۇركيا پارلامەنتىندە تابىس ەتىلمەك.