الماتى قالاسىنىڭ اكىمدىگى ىبىراي التىنسارين ەسكەرتكىشىنىڭ ەڭ ۇزدىك جوباسىن جاساعاندارعا رەسپۋبليكالىق اشىق بايقاۋ جاريالادى.
ۇلت اعارتۋشىسىنىڭ ەسىمىن ماڭگى ەستە قالدىرۋ ماقساتىندا ورناتىلاتىن ەسكەرتكىشتە تۋىندىگەرلەرگە قويىلاتىن باستى تالاپ تۇلعانىڭ تاريحي بەينەسىن اشۋ, مۇسىندىك-كوركەمدىك شەشىم تابۋ.
«كوركەمدىك بەينەلىلىك تۇلعانىڭ شىنايى بەت بەينەسىمەن ۇقساستىعىن, جاڭا قۇرىلىس سۇلباسىنىڭ كولەمى مەن فورماسىنىڭ, دەنەنىڭ جەكە مۇشەلەرى, كيىم بولشەكتەرىنىڭ, زاتتارىنىڭ ۇيلەسىمدىلىگىن قامتيدى», دەيدى ۇيىمداستىرۋشىلار.
كونكۋرسقا قاتىسۋ ءۇشىن وتىنىشتەر 2020 جىلدىڭ 10 اقپانى مەن 15 ناۋرىز ارالىعىندا قابىلدانادى. قوسىمشا اقپاراتتى الماتى قالاسىنىڭ مادەنيەت باسقارماسىنان الۋعا بولادى. مەكەن جايى: الماتى قالاسى, رەسپۋبليكا الاڭى, 4. بايلانىس تەلەفونى: 8(727)272-11-09, 272-58-83