«مەكتەپ – داۋسىز ايماق» رەسپۋبليكالىق پيلوتتىق جوبا اياسىندا 2019 جىلى بويى ماڭعىستاۋ وبلىسىنىڭ 2 قالا مەن 5 اۋدان ورتالىقتارىندا مەدياتسيانى وقىتۋ سەمينارلار ۇيىمداستىرىلدى. وسى سەمينارلاردا ءبىلىم سالاسىنىڭ قىزمەتكەرلەرىنە مەكتەپ مەدياتسيا نەگىزدەرى بويىنشا ەگجەي-تەگجەي اقپارات ءتۇسىندىرىلدى, دەپ حابارلادى ماڭعىستاۋ وبلىسى اسسامبلەيا حاتشىلىعى ءباسپاسوز قىزمەتى.
مەكتەپ مەدياتسياسى - ءبىلىم بەرۋ پروتسەسىنە قاتىسۋشىلار (وقۋشىلار, وقۋشىلار مەن اتا-انالار) اراسىنداعى داۋلاردى, جانجالدى جاعدايلاردى شەشۋگە باعىتتالعان يننوۆاتسيالىق ءادىس.
جاڭاوزەن قالالىق كوۆوركينگ ورتالىعىندا مەدياتسيا بويىنشا پراكتيكالىق سەمينار ءوتتى. كەزدەسۋگە دوستىق ءۇيىنىڭ مەدياتسيا كابينەتىنىڭ مەڭگەرۋشىسى س.ساتاليەۆا, جاڭاوزەن قالاسىنداعى قحا وكىلى ە. قاليەۆ, كاسىبي مەدياتورلار ج.احمەتوۆا جانە ج.راحمانوۆا, جەرگىلىكتى مەكتەپتەر مەن كوللەدجدەردىڭ ۇجىمدارى قاتىستى. بۇل سەميناردا مەكتەپ مەدياتسياسىنىڭ ماسەلەلەرى تالقىلاندى. جىبەك احمەتوۆا تاربيەشىلەر اراسىندا «مەدياتسيا», «مەكتەپ مەدياتسياسى», «كاسىبي مەدياتور» جانە «كاسىبي ەمەس مەدياتور» ۇعىمدارى بويىنشا ءتۇسىندىرۋ جۇمىستارىن جۇرگىزدى. ءوز كەزەگىندە, ج.راحمانوۆا جينالعاندارعا كاسىبي مەدياتور رەتىندەگى تاجىريبەسىنەن بىرنەشە مىسالدار كەلتىردى. قاتىسۋشىلار اراسىندا اقپاراتتىق ماتەريالدار تاراتىلدى. سەمينار مودەراتورلارى قاتىسۋشىلاردىڭ بارلىق سۇراقتارىنا جاۋاپ بەردى جانە ولاردى تاتۋلاستىرۋ قىزمەتىمەن تىعىز بايلانىستا بولۋ ءۇشىن تەگىن وقۋدان وتۋگە شاقىردى. شارا سوڭىندا بارلىق قاتىسۋشىلارعا «مەدياتسيا نەگىزدەرى» اتتى سەرتيفكاتتار تابىستالدى. بۇل الەۋمەتتىك ماڭىزى بار شاراعا بارلىعى 30 ادام قاتىستى.