وزبەكستان رەسپۋبليكاسى پارلامەنتىنىڭ زاڭ شىعارۋشى پالاتاسى جانە حالىق دەپۋتاتتارى جەرگىلىكتى كەڭەستەرىنىڭ دەپۋتاتتارىن سايلاۋ اياقتالدى.
ورتالىق سايلاۋ كوميسسياسىنىڭ مالىمەتىنە سايكەس, ولي ماجليسي زاڭ شىعارۋ پالاتاسىنا وزبەكستان ليبەرال دەموكراتيالىق پارتياسىنان 43 دەپۋتات سايلانىپ, پارلامەنتتە باسىمدىققا يە بولدى.
سونداي-اق «ميلي تيكلانيش» دەموكراتيالىق پارتياسىنان - 35 دەپۋتات, «ادولات» سوتسيال-دەموكراتيالىق پارتياسىنان - 21 دەپۋتات, حالىق دەموكراتيالىق پارتياسىنان - 18 دەپۋتات, وزبەكستان ەكولوگيالىق پارتياسىنان - 11 دەپۋتات سايلانعان.
سايلاۋ بارىسىن 1150 شەتەلدىك باق وكىلى باقىلاپ وتىرعان. سولاردىڭ قاتارىندا قازاقستان سەناتورلارى ەربولات مۇقاەۆ جانە عۇمار دۇيسەمباەۆ سايلاۋعا تمد پاا جانە ەقىۇ پا بايقاۋشىلار ميسسياسىنا قاتىسقانىن جازعان ەدىك.