2019 جىلعى 1 جەلتوقسانداعى جاعداي بويىنشا ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017 - 2021 جىلدارعا ارنالعان «ەڭبەك» مەملەكەتتىك باعدارلاماسىنا قاتىسۋشىلاردىڭ قۇرامىنا مۇگەدەكتىگى بار 16,5 مىڭ ادام كىردى, بۇل قاتىسۋشىلاردىڭ جالپى سانىنىڭ 2,6%-ىن قۇرايدى (622,7 مىڭ ادام), ونىڭ ىشىندە 14,4 مىڭ ادام جۇمىسقا ورنالاستىرىلسا, ونىڭ ىشىندە تۇراقتى جۇمىس ورىندارىنا – 7,7 مىڭ ادام تۇرعىزىلدى.
ەڭبەك نارىعىندا سۇرانىسقا يە كاسىپتەر بويىنشا كاسىپتىك داعدىلاردى قالىپتاستىرۋ ماقساتىندا ازاماتتاردىڭ جەكەلەگەن ساناتتارى ءۇشىن قىسقامەرزىمدى كۋرستار وتكىزۋدى كوزدەيتىن «ەڭبەك» مەملەكەتتىك باعدارلاماسىنىڭ ءبىرىنشى باعىتى اياسىندا 1942 مۇگەدەك ءبىلىم الۋدا, ونىڭ ىشىندە 1 213 وقۋدى اياقتاپ, 603 ادام جۇمىسقا ورنالاستىرىلدى.
«ەڭبەك» مەملەكەتتىك باعدارلاماسىنىڭ ەكىنشى باعىتى بويىنشا ازاماتتاردىڭ كاسىپكەرلىك باستامالارىن دامىتۋدى, «باستاۋ بيزنەس» جوباسى بويىنشا كاسىپكەرلىك نەگىزدەرىنە وقىتۋمەن 1 847 ادام قامتىلدى. ءوز بيزنەس جوبالارىن 450 مۇگەدەكتىگى بار ادام قورعاپ شىعىپ, ونىڭ ىشىندە 145 ادام ميكروكرەديتتەر مەن گرانتتار الدى.
سونىمەن قاتار, 554 مۇگەدەكتىگى بار ادام ميكروكرەديت الىپ, 659 ادام گرانتقا يە بولدى.
مەملەكەتتىك باعدارلامانىڭ ءۇشىنشى باعىتى ازاماتتاردىڭ جەكەلەگەن ساناتتارىن جۇمىسپەن قامتۋ ءۇشىن مەملەكەت تاراپىنان سۋبسيديالاناتىن جۇمىس ورىندارىن قۇرۋدى قاراستىرادى. ونى جۇزەگە اسىرۋ اياسىندا بوس جۇمىس ورىندارىنا 7 665 ادام, الەۋمەتتىك جۇمىس ورىندارىنا 1 048, قوعامدىق جۇمىستارعا 5 069 ادام, جاستار پراكتيكاسىنا 551 ادام جىبەرىلدى.
وسىعان قوسا, مۇگەدەكتىگى بار ادامدارعا ارنالعان جۇمىس ورىندارىن كۆوتالاۋدىڭ ناتيجەسىندە 3000 ادام جۇمىسقا ورنالاستىرىلدى.
سونداي-اق مۇگەدەكتىگى بار ادامدار ءۇشىن 24 ارنايى جۇمىس ورنى قۇرىلدى.