قۇرلىقتىق حوككەي ليگاسىندا (قحل) سىنعا ءتۇسىپ جاتقان ەلوردانىڭ «بارىس» كلۋبى ماسكەۋ وبلىسىنىڭ «ۆيتياز» كومانداسىنان باسىم ءتۇستى.
ويىندى تاماشالاۋعا كەلگەن ءۇش مىڭعا جۋىق جانكۇيەر جەتى بىردەي تاماشا گولدىڭ كۋاسى بولدى. مۇزايدىن يەلەرىنەن 14-مينۋتتا ياكۋب ەرجابەك پەن 48-مينۋتتا سۆياتوسلاۆ گرەبەنششيكوۆ مەرگەندىگىمەن كوزگە ءتۇستى. ال «بارىس» ساپىنان كوربەن نايت (18-مينۋت), كەرتيس ۆولك (24) جانە دميتري شەۆچەنكو (39) قارسىلاس كوماندانىڭ قاقپاسىنا ءبىر-ءبىر شايبا سوقسا, لينۋس ۆيدەلل 33 جانە 53-مينۋتتا گول سوعىپ, دۋبل اۆتورى اتاندى. قورىتىندى ەسەپ – 2:5. «بارىستىڭ» پايداسىنا.
بۇل جەڭىسىنەن كەيىن ەلوردا كومانداسى قحل-ءدىڭ «شىعىس» كونفەرەنتسياسىندا 50 ۇپايمەن ءۇشىنشى ورىندا كەلەدى.